Rational Books

പാഠപുസ്തകം നിശ്ചയിക്കേണ്ടത് കത്തോലിക്കാ സഭയല്ല

2011-06-19T20:38:00.000-07:00

പാഠപുസ്തകം നിശ്ചയിക്കേണ്ടത് കത്തോലിക്കാ സഭയല്ല
പ്രതിഷേധ മാർച്ചും സെക്രട്ടേറിയറ്റ് ധർണ്ണയും
2011 ജൂൺ 23 രാവിലെ 11 മണി
മാന്യരെ,
പത്താം ക്ലാസ് സാമൂഹ്യപാഠത്തിലെ നവോത്ഥാന ചരിത്രഭാഗം സഭാവിരുദ്ധമാകയാൽ പഠിപ്പിക്കാ‍ൻ പാടില്ലെന്ന് ഭരണകൂടത്തെ താക്കീതു ചെയ്തുകൊണ്ട് കത്തോലിക്കാ സഭ വീണ്ടും പൊതുസമൂഹത്തിനെതിരെ യുദ്ധം പ്രഖ്യാപിച്ചിരിക്കുന്നു. ചരിത്രമെന്നത് ആരുടെയെങ്കിലും താല്പര്യത്തിനനുസരിച്ച് എഴുതിവയ്ക്കാവുന്നതല്ലെന്ന് ആരാണ് ഇവരെ ബോദ്ധ്യപ്പെടുത്തുക.
യൂറോപ്പിന്റെ ചരിത്രത്തെ ചോരയിൽ മുക്കിയ കൊലപാതക പരമ്പരകളാണ് സഭയുടെ യഥാർത്ഥ ചരിത്രം. സി.ഇ.325-ൽ കോൺസ്റ്റന്റൈൻ, സഭ സ്ഥാപിച്ചതുമുതൽ ആയിരം വർഷങ്ങളിലേറെ എത്ര ലക്ഷങ്ങളെയാണ് വേട്ടയാടി കൊന്നതെന്നും മദ്ധ്യകാല ചരിത്രത്തെ അപ്പാടെ തമോമയമാക്കിയതെന്നും ചരിത്രം സാക്ഷ്യപ്പെടുത്തുന്നു. കുരിശുയുദ്ധങ്ങളിലൂടെയും ഇങ്ക്വിസിഷനിലൂടെയും തങ്ങൾക്ക് അനിഷ്ടമായവരെ മുഴുവൻ തീയിലെറിഞ്ഞും വെള്ളത്തിൽ മുക്കിയും കരാഗൃഹത്തിലടച്ചും കൊന്നൊടുക്കുകയായിരുന്നു. ഈ ഭീകരതയ്ക്കെതിരെ പ്രതിഷേധിച്ച് സഭയ്ക്കുള്ളിൽ നിന്നുതന്നെയാണ് പ്രൊട്ടസ്റ്റന്റ്സഭകൾ പിറവിയെടുത്തത്. സ്വതന്ത്രചിന്തകരും പുരോഗമനകാരികളും നവോത്ഥാനത്തിനും നവീകരണത്തിനും വഴിയൊരുക്കി. മാനവികതയും ജനാധിപത്യവും മതനിരപേക്ഷതയുമൊക്കെ മതാധിപത്യവുമായി കണക്കുതീർത്തുകൊണ്ടാണ് മനുഷ്യസ്വാതന്ത്ര്യം പ്രഖ്യാപിച്ചത്. സഭയാകട്ടെ, ഹിറ്റ്ലറും മുസ്സോളനിയുമായി കൈകോർക്കുകയാണ് ചെയ്തത്. വത്തിക്കാൻ എന്ന 108 ഏക്കർ സാമ്രാജ്യം മുസ്സോളനി ഉപകാരസ്മരണയായി നൽകിയതാണ്.
ഈ ഭീകര ചരിത്രത്തിന്റെ ഒരംശമ്പോലും പാഠപുസ്തകത്തിൽ വന്നിട്ടില്ല. നവോത്ഥാനത്തെപ്പറ്റി പഠിപ്പിക്കാതെ ലോകചരിത്രം പഠിപ്പിക്കുന്നതെങ്ങനെയാണ്. പാഠപുസ്തകം തീരുമാനിക്കാനും പഠിപ്പിക്കാനും സർക്കാർ സംവിധാനങ്ങളുണ്ട്. പൊതുസമൂഹം തങ്ങൾ പറയുന്നതേ പഠിക്കാവൂ എന്ന് നിർബന്ധിക്കാൻ സഭയ്ക്ക് എന്ത് അധികാരമാണുള്ളത്.
‘മതമില്ലാത്ത ജീവൻ’ പാഠത്തിന്റെ പേരിൽ തെരുവുകളിൽ കലാപമഴിച്ചുവിടുകയും അദ്ധ്യാപകനെ ചവിട്ടിക്കൊല്ലുകയും ചെയ്തവർ വീണ്ടും ജനങ്ങൾക്ക് മേൽ കുതിരകയറുകയാണ്. ഒരു ബഹുമത സമൂഹത്തിലാണ് തങ്ങൾ വസിക്കുന്നതെന്ന സാമാന്യബോധം പോലും ഇല്ലാതെ തങ്ങളുടെ മതാധികാരം സ്ഥാപിക്കാനുള്ള ധിക്കാരപരമായ പ്രഖ്യാപനങ്ങൾ നടത്താൻ ആരെയും അനുവദിക്കാൻ പാടില്ല.
പിഞ്ചുകുഞ്ഞുങ്ങളുടെ കഴുത്തിൽ ‘ജാതി കാർഡ്’ തൂക്കിയ അധമന്മാർ ഇതിലപ്പുറവും ചെയ്യും. വളരെ ചെറിയ ന്യൂനപക്ഷമായ സഭ, വിദ്യാഭ്യാസ സ്ഥാപനങ്ങളുടെ മുക്കാൽ പങ്കും ഭൂസ്വത്തിൽ നല്ലൊരു പങ്കും തട്ടിയെടുത്തിട്ടും ന്യൂനപക്ഷാവകാശത്തിന്റെ പേരിൽ പിന്നെയും പൊതുസമൂഹത്തെ വെല്ലുവിളിക്കുമ്പോൾ, അതുണ്ടാക്കുന്ന വർഗ്ഗീയ ധ്രുവീകരണം എത്രമാത്രം ഗുരുതരമാണെന്ന് ഇവർ അറിയുന്നില്ല. രാഷ്ട്രീയ സ്വാധീനത്തിന്റെ ഹുങ്കിൽ കേരളത്തിൽ കാണിക്കുന്ന ധിക്കാരം ഇത്ര അധികമാണെങ്കിൽ സർവ്വാധിപത്യത്തിങ്കീഴിൽ യൂറോപ്പിൽ എന്തൊക്കെയായിരിക്കും ചെയ്തുകൂട്ടിയത്.
എന്തു പഠിപ്പിക്കണമെന്ന് നിശ്ചയിക്കാനും മതനിരപേക്ഷതയെ ചോദ്യം ചെയ്യാനും ജനാധിപത്യത്തെ അവഹേളിക്കാനും സഭയ്ക്ക് അധികാരമില്ല. അവകാശത്തിന്റെ പരിധി ലംഘിക്കുമ്പോൾ അത് അക്രമമായി തീരും. ഭരണഘടനയെ വെല്ലുവിളിച്ചുകൊണ്ടുള്ള ഈ അതിക്രമത്തെ കേരളസമൂഹം അംഗീകരിക്കില്ല. ഇതു തുറന്നു പ്രഖ്യാപിക്കുന്ന ഈ പ്രതിഷേധ മാർച്ചും ധർണ്ണയും വിജയിപ്പിക്കുവാൻ ജനാധിപത്യവാദികളോട് അഭ്യർത്ഥിക്കുന്നു.
അഭിവാദനങ്ങളോടെ,
യു.കലാനാഥൻ(പ്രസിഡന്റ്,കേരളയുക്തിവാദിസംഘം),
അഡ്വ.കെ.എൻ.അനിൽകുമാർ(സെക്രട്ടറി,കേരളയുക്തിവാദിസംഘം)
സെക്രട്ടറിയേറ്റ് ധർണ്ണയിൽ കുരീപ്പുഴശ്രീകുമാർ, രാജഗോപാൽ വാകത്താനം, യു.കലാനാഥൻ,അഡ്വ.കെ.എൻ.അനിൽകുമാർ, ധനുവച്ചപുരം സുകുമാരൻ തുടങ്ങിയവർ സംസാരിക്കും. രാവിലെ 11 ന് തമ്പാനൂർ ആർ.എം.എസ്സിനു മുന്നിൽ നിന്ന് പ്രതിഷേധമാർച്ച് ആരംഭിക്കും

യാഗ ഗവേഷണം എന്ന പ്രഹസനം

2011-06-18T00:15:00.000-07:00

യാഗ ഗവേഷണം എന്ന പ്രഹസനത്തിനെതിരെ ശാസ്ത്രജ്ഞരും യുക്തിവാദികളും.
യാഗ ഗവേഷണം എന്ന പ്രഹസനത്തിനെതിരെ കേരളയുക്തിവാദിസംഘത്തിന്റെ നേതൃത്വത്തിൽ ഒരു കൂട്ടം സാമൂഹ്യ പ്രതിബദ്ധതയുള്ള ശാസ്ത്രജ്ഞർ, യാഗാനുകൂല ശാസ്ത്രജ്ഞരുടെ(?)കള്ളപ്രചരണങ്ങളെ തുറന്നു കാണിച്ചുകൊണ്ട് ഇന്ന് പത്ര സമ്മേളനം നടത്തി.
Yagam Press Rlease

സമരോത്സുക യുക്തിവാദം: ടി.കെ.യ്ക്കൊരു വിയോജനക്കുറിപ്പ്

2011-06-05T02:14:00.000-07:00

യുക്തിവാദം എന്ത്? :

രാജഗോപാല്‍ വാകത്താനം കാണാതെ

പോകുന്ന കാര്യങ്ങള്‍

എന്ന ടി.കെ.യുടെ പോസ്റ്റിനുള്ള വിയോജനക്കുറിപ്പ്

ടി.കെ.യുടെ അഭിപ്രായങ്ങളോട് ശക്തമായ വിയോജിപ്പു പ്രകടിപ്പിക്കുന്നു. യുക്തിവാദി സംഘത്തിന്റെ പ്രഥമവും പ്രധാനവുമായ കർത്തവ്യം സമൂഹത്തിൽ യുക്തിചിന്ത അഥവാ ശാസ്ത്രബോധം വളർത്തുക എന്നതു തന്നെയാണ്. അതിനുള്ള പ്രവർത്തനം ഏങ്ങിനെയായിരിക്കണം എന്നുള്ളതിലാ‍ണ് ഡോ.ലാസറും ടി.കെ യും രാജഗോപാൽ വാകത്താനത്തോട് വിയോജിപ്പ് പ്രകടിപ്പിക്കുന്നത് എന്ന് കരുതുന്നു. ടി.കെ പറയുന്നു “കേവലം 'ഈശ്വരനില്ല' എന്നു പറയുന്നതിനപ്പുറം സാമൂഹികനീതിക്ക് വേണ്ടി പ്രവര്‍ത്തിക്കുംപോഴേ യുക്തിവാദം പൂര്‍ണമാവുകയുള്ളൂ എന്നാണു രാജഗോപാല്‍ പറയുന്നത്. ഒരു പൂര്‍ണ്ണ തത്വചിന്ത എന്നും മാനവികമായ സാമൂഹിക-സാംസ്കാരിക-രാഷ്ട്രീയ ജീവിതത്തെപ്പറ്റിയുള്ള സമഗ്രസംഹിത എന്നുമൊക്കെയാണ് രാജഗോപാല്‍ യുക്തിവാദത്തിനു നിര്‍വചനം നലികിയിരിക്കുന്നത്. അദ്ദേഹത്തിന്‍റെ അഭിപ്രായം യുക്തിവാദിസംഘം (ഏതുമാവട്ടെ) മറ്റൊരു വിപ്ലവ-രാഷ്ട്രീയ പ്രസ്ഥാനമാവണം എന്നാണെന്ന് തോന്നുന്നു. അങ്ങനെ ആയെങ്കിലെ സമഗ്രമായ മാറ്റമുണ്ടാവൂ എന്നദ്ദേഹം വിചാരിക്കുന്നു പക്ഷെ, യുക്തിവാദിസംഘത്തിനു ഒരിക്കലും ജനാധിപത്യ രാഷ്ട്രീയകക്ഷികള്‍ക്ക് പകരം വെക്കാവുന്ന ഒരു സംഘടനയാവാന്‍ കഴിയില്ല. ആവുകയുമരുത്.“
എന്തുകൊണ്ട് ആയിക്കൂടാ?
“കേരള യുക്തിവാദിസംഘത്തിന്റെ ഭരണഘടനയിലെ 'ഉദ്ദേശ്യങ്ങളും ലകഷ്യങ്ങളും' എന്ന ഖണ്ഡികയില്‍, 'എല്ലാതരം അന്ധവിശ്വാസങ്ങള്‍ക്കും, അനാചാരങ്ങള്‍ക്കും, അനീതികള്‍ക്കും, അസമത്വങ്ങള്‍ക്കും, ചൂഷണങ്ങള്‍ക്കും എതിരായി മാനവക്ഷേമത്തിന് വേണ്ടി പ്രവര്‍ത്തിക്കുക' എന്നു പറയുന്നുണ്ടെങ്കിലും ഊന്നല്‍ നല്‍കേണ്ടത് അന്ധവിശ്വാസങ്ങള്‍ക്കും അനാചാരങ്ങള്‍ക്കും തന്നെയാണ്. ഇതിന്റെ കാരണം വ്യകതമാണ്. ഇന്ന് നമ്മുടെ നാട്ടില്‍ ഒട്ടനവധി രാഷ്ട്രീയ പാര്‍ട്ടി കളുണ്ട്. അനീതിക്കെതിരെ പോരാടുന്ന നിരവധി സംഘടനകളുണ്ട്” അപ്പോൾ അതു തന്നെയാണു കാരണം.ഇവിടെ രാഷ്ട്രീയ പാർട്ടികളും മറ്റു സംഘടനകളും ഉണ്ടെന്നും അന്ധവിശ്വാസങ്ങളുടെ കാര്യം മാത്രം നമ്മൾ /നിങ്ങൾ നോക്കിയാൽമതിയെന്നും മറ്റുകാര്യങ്ങൾ അവർനോക്കിക്കൊള്ളും എന്നുമാണ് ധ്വനി.ഇതു തന്നെയല്ലേ ഇ.എം.എസ് നെപ്പോലെയുള്ളവർ പറയുന്നതും; യുക്തിവാദത്തിലും മാനവികതാവാദത്തിലും എന്തൊക്കെ പുരോഗമനപരമായിട്ടുണ്ടോ അതൊക്കെത്തന്നെ മാർക്സിസത്തിൽ ഉൾപ്പെടുത്തിയിട്ടുണ്ടെന്നും ഇനി യുക്തിവാദത്തിനു പ്രസക്തിയില്ലെന്നും.
രാജഗോപാൽ പറയുന്നത് ശ്രദ്ധിക്കുക “ കൃസ്തുവും കൃഷ്ണനുമൊക്കെ ജീവിച്ചിരുന്നുവൊ എന്ന അന്വേഷണം യുക്തിയെ ഉണർത്തിവിടുന്നതാണ്.തെറ്റായ മതവിശ്വാസങ്ങളെ എതിർക്കാൻ ഈ ചർച്ച സഹായകരമായതിനാൽ അതിനു പ്രസക്തിയുണ്ടുതാനും. യുക്തിവാദത്തിന്റെ പ്രാഥമിക ഘട്ടത്തിൽ ദൈവം,പിശാച്, കുട്ടിച്ചാത്തൻ തുടങ്ങിയ അന്ധതകൾക്കെതിരായ ഈ കണ്ടെത്തലുകൾ ശരിയുമാണ്. കേവലയുക്തിവാദം പുരാണങ്ങളുടെ പൊള്ളത്തരത്തിലേക്കും ദൈവവിശ്വാസത്തിന്റെ അപ്രമാണികതയിലേക്കും വിരൽ ചൂണ്ടുന്നു. ഇത് മാത്രമാണ് യുക്തിവാദമെന്നു പറഞ്ഞാൽ അത് യുക്തിവാദത്തിലെ ബൂർഷാനിലപാടാണ്. ദൈവവിശ്വാസത്തിന്റേ തന്നെ ചരിത്രപ്രമായ ഘട്ടങ്ങളിലേക്കോ മതത്തിന്റെ രാഷ്ട്രീയാന്തർഗതങ്ങളിലേക്കോ എത്തിച്ചേരുന്നില്ല. അതുകൊണ്ട് 17-ആം നൂറ്റാണ്ടിലെ യുക്തിവാദത്തിൽത്തന്നെ അത് ഉറച്ചുനിൽക്കുന്നു. ഇതിനർത്ഥം ഈ യുക്തിവാദം തകരാറാണെന്നല്ല, മറിച്ച് കാലികമാക്കപ്പെടുന്നില്ല എന്നാണ്. അതിന്റെ സാമൂഹ്യപരിപ്രേക്ഷ്യങ്ങളിലേക്ക് കടന്നുചെന്ന് സാമൂഹ്യപരിവർത്തനാത്മകമാകുമ്പോഴാണ് യുക്തിവാദം സാർത്ഥകമാകുന്നത്.”
മേൽ‌പ്പറഞ്ഞതിലെ രാജഗോപാലിന്റെ കേവലയുക്തിവാദം, ബൂർഷായുക്തിവാദം എന്നീ പ്രയോഗങ്ങളോട് വിയോജിപ്പുണ്ടെങ്കിലും ആധുനിക യുക്തിവാദത്തിന്റെ സത്തയിലേക്കാണ് അദ്ദേഹം വിരൽ ചൂണ്ടുന്നത്.
കേവലയുക്തിവാദം, ബൂർഷായുക്തിവാദം എന്നീ പ്രയോഗങ്ങൾ കേരളത്തിലെ യുക്തിവാദിപ്രസ്ഥാനത്തിനു നേരേ ആദ്യം പ്രയോഗിച്ചത് ഇ.എം.എസ്. ആണ്. മന:പൂർവ്വം അധിക്ഷേപിക്കാനാണ് അദ്ദേഹം ഈ പ്രയോഗം നടത്തിയിട്ടുള്ളത് എന്ന് കാണാം. കേവലം എന്നതിന് ആത്മീയം അല്ലെങ്കിൽ പ്രകൃത്യാതീതം എന്ന അർത്ഥമാണ് നിഖണ്ഡുകാരന്മാർ നൽകിയിട്ടുള്ളത്. എങ്കിൽ കേവലവാദം ആത്മീയവാദമാണ്.കേവലവാദികളായ യുക്തിവാദികളെ ചരിത്രത്തിൽ നോക്കിയാൽ കാണാവുന്നതാണ്. ഉദാ:ഇമ്മാനുവൽ കാന്റ്.പക്ഷെ ഇന്നുള്ള യുക്തിവാദം ഭൌതികവാദത്തിന്റെ അടിസ്ഥാനത്തിലുള്ളതിനാൽ കേവലയുക്തിവാദികൾ എന്നു വിളിക്കൂന്നത് ശരിയല്ല.കേവലവാദം എന്ന വാക്ക് മാർക്സിസ്റ്റു ടെക്സ്റ്റുകളിലാണ് കാണപ്പെടാറുള്ളത്. മെറ്റാഫിസിക്കൽ എന്നതിന്റെ തർജ്ജമയായിട്ടാണ് കേവലവാദം എന്ന പ്രയോഗം അതിൽ കാണുന്നത്. നിശ്ചലത,മാറ്റമില്ലായ്മ, പരസ്പര ബന്ധനിഷേധം, ശശ്വതത്വം, വിപരീതങ്ങളുടെ പരസ്പരവർജനം എന്നിവയാണ് കേവലവാദത്തിന്റെ സവിശേഷതകളായി മാർക്സിസ്റ്റ് പണ്ഡിതന്മാർ വിവരിക്കുന്നത്. ഈ അർത്ഥത്തിൽ നോക്കിയാലും മാറ്റം എന്ന പ്രതിഭാസത്തെ അംഗീകരിക്കുന്നതുകൊണ്ട് യുക്തിവാദികളെ കേവലവാദികൾ എന്നു വിളിക്കാനാവില്ലല്ലോ.
ബൂർഷ്വാ എന്ന വാക്കിന് കമ്മ്യൂണിസ്റ്റ് മാനിഫെസ്റ്റോ നിർവചനം നൽകുന്നത് “ സാമൂഹ്യോല്പാദന ഉപാധികളുടെ ഉടമകളും കൂലിവേല എടുപ്പിക്കുന്നവരുമായ ആധുനിക മുതലാളികളുടെ വർഗ്ഗം” എന്നാണ്, ഈ നിർവചനം വച്ച് നോക്കിയാൽ യുക്തിവാദി സംഘവും യുക്തിവാദി കളും “ ബൂർഷ്വായുക്തിവാദി” ആകില്ല.
കേരള ജനതയെ അന്ധവിശ്വാസങ്ങളിൽ നിന്നു മോചിപ്പിക്കേണ്ടതും അവരെ യുക്തിബോധമുള്ളവരാക്കേണ്ടതും ഉണ്ട് എന്നുള്ളതിൽ രണ്ടു പക്ഷമില്ല.ജാതിയില്ല,മതമില്ല,ദൈവമില്ല എന്നുപറയുന്നതുകൊണ്ടൊ മുദ്രാവാക്യം വിളിക്കുന്നതുകൊണ്ടോ പ്രസംഗിക്കുന്നതുകൊണ്ടോ പുസ്തകം എഴുതുന്നതുകൊണ്ടോ മാത്രം കാര്യമില്ല(അത് വേണ്ടെന്നല്ല), ജാതി-മത-അന്ധവിശ്വാസങ്ങളെ നിലനിർത്തുന്ന സാമൂഹ്യരാഷ്ട്രീയസാമ്പത്തിക പരിപ്രേക്ഷ്യങ്ങൾ മനസ്സിലാക്കേണ്ടതും അതിനെതിരെ അനുയോജ്യമായ കർമ്മ സമരപരിപാടികൾ നടത്തേണ്ടതുമാണ്.എങ്കിലേ യുക്തിവാദം സമരോത്സുകമാകൂ.
“പൊന്നമ്പലമേട്ടില്‍ തെളിയുന്നത് മനുഷ്യന്‍ കത്തിക്കുന്ന ദീപമാണ് എന്നു പറയുന്നത് കേവല യുക്തിവാദം. അവിടെ പോയി അതിന്റെ രഹസ്യം കണ്ടെത്തി അതുപോലെ പന്തം കത്തിച്ചു കാണിക്കുന്നതും ഫോട്ടോ എടുക്കുന്നതും സമരോല്‍സുകയുക്തിവാദം” കേവലയുക്തിവാദത്തിനും സമരോത്സുകയുക്തിവാദത്തിനും ടി.കെ. നൽകുന്ന നിർവ്വചനം നല്ലൊരു ഫലിതത്തിന് വകനൽകുന്നുണ്ട്. കേരളത്തിലെ യുക്തിവാദി പ്രസ്ഥാനത്തിന്റെ 90 വർഷത്തെയും കേരളയുക്തിവാദി സംഘത്തിന്റെ 44 വർഷത്തെയും പ്രവർത്തന ചരിത്രം പരിശോധിച്ചാൽ സാമൂഹ്യമാറ്റത്തിന് ഗണ്യമായ സംഭാവന നൽകാൻ യുക്തിവാദി പ്രസ്ഥാനത്തിനായിട്ടുണ്ട് എന്ന് കാണാം. സാമൂഹ്യരാഷ്ട്രീയ ചരിത്രകാരന്മാർ പലരും അത് ചൂണ്ടിക്കാട്ടിയിട്ടുമുണ്ട്.സ്ഥല പരിമിതിമൂലം അതെല്ലാം വിവരിക്കാ‍ൻ മുതിരുന്നില്ല. പക്ഷെ, പല യുക്തിവാദികളും ആധുനിക യുക്തിവാദത്തിന്റെ യഥാർത്ഥ സത്ത ഉൾക്കൊള്ളുന്നവരാണോ എന്ന് ആത്മപരിശോധന നടത്തേണ്ടതാണ്. ഇല്ലെങ്കിൽ അവരിൽ ആ ബോധം ഉണ്ടാക്കുന്നതിൽ സംഘടനാപരമായ പാളിച്ച ഉണ്ടായിട്ടുണ്ട് എന്ന് മനസ്സിലാക്കാം.കേരളത്തിലെ യുക്തിവാദി പ്രസ്ഥാനത്തിന്റെ ചരിത്രവും സത്തയും ഉൾക്കൊണ്ടിരുന്നുവെങ്കിൽ ടി.കെ. ഇങ്ങനെ ഒരു പോസ്റ്റിടില്ലായിരുന്നു എന്നു ഞാൻ വിചാരിക്കുന്നു. അവസാനമായി കേരളയുക്തിവാദിസംഘം പ്രസിദ്ധീകരിച്ച യുക്തിദർശനം എന്ന ഗ്രന്ഥത്തിലെ ഏതാനും വരികൾ ഉദ്ധരിച്ചുകൊണ്ട് ഈ പോസ്റ്റ് അവസാനിപ്പിക്കാം.
“ ഇത്രയും സമ്പന്നവും വിപുലവുമായ ഒരു പാരമ്പര്യത്തിന്റെ അവകാശികളാണു യുക്തിവാദികൾ എന്ന ബോധം യുക്തിവാദികൾക്കുണ്ടായിരിക്കേണ്ടതാണ്.യുക്തിവാദിസംഘത്തെയും പ്രസ്ഥാനത്തെയും ഈ പാരമ്പര്യത്തിൽ നിന്നും പൊതുവായ പ്രവാഹത്തിൽ നിന്നും അടർത്തി എടുത്ത് മതത്തെയും ഈശ്വരനെയും എതിർക്കുക എന്ന കൃത്യത്തിനു മാത്രം അതിനെ തള്ളിവിടാമെന്നു കരുതുന്നവർ അറിഞ്ഞോ അറിയാതെയോ അതിന്റെ കടയ്ക്കൽ കത്തിവെക്കുകയാണ് ചെയ്യുന്നത്. അതേ അവസരത്തിൽ ഈ പാരമ്പര്യത്തിൽ നിന്നുളവാകുന്ന സാദ്ധ്യതകളെ പൂർണ്ണമായി ഉൾക്കൊള്ളുകയും മതനിരപേക്ഷമായ ഒരു രാഷ്ട്രം കെട്ടിപ്പെടുക്കുക എന്ന മർമ്മപ്രധാനമായ കടമ നിർവ്വഹിക്കുവാൻ യുക്തിവാദി സംഘത്തെ സജ്ജമാക്കുകയും ചെയ്യുന്നവരാകട്ടെ, പ്രസ്ഥാനത്തിന്റെ കടയ്ക്ക് വെള്ളവും വളവും നൽകുന്നവരായിരിക്കും.”

യുവജന ക്യാമ്പ്

2011-05-11T01:06:00.000-07:00

യുവജന ക്യാമ്പും കുട്ടിക്കൂട്ടായ്മയും

മകരജ്യോതി തട്ടിപ്പ് ഇനിയെങ്കിലും അവസാനിപ്പിക്കൂ.

2011-01-16T11:56:00.001-08:00

ശബരിമലയിലെ നടവരവു വർദ്ധിപ്പിക്കാൻ എല്ലാ വർഷവും മകരം ഒന്നിന് ദേവസ്വം ബോർഡ്, സർക്കാർ സന്നാഹങ്ങളോടെ പൊന്നമ്പലമേട്ടിൽ കർപ്പൂരം ചട്ടിയിൽ കത്തിച്ചുകണിച്ച് നടത്തുന്ന കലാപരിപാടിയാണ് മകരജ്യോതി. 1999 ൽ ഈ സർക്കാർ സ്പോൺസേർഡ് മകരജ്യോതി ദർശിക്കാനുള്ള തിക്കിലും തിരക്കിലും പെട്ട് 53 പേരാണ് മരിച്ചത്. അന്ന് കേരളയുക്തിവാദി സംഘം പ്രസിഡന്റായിരുന്ന പവനൻ ഹൈക്കോടതിയിൽ ഈ വഞ്ചനക്കെതിരെ കേസ് ഫയൽ ചെയ്തു. ദേവസ്വം ബോർഡ് ഭാരവാഹികൾ കർപ്പൂരം കത്തിച്ച് വിശ്വാസികളെ വഞ്ചിക്കുന്നത് നിരോധിക്കുക, ഈ വഞ്ചനക്ക് കൂട്ടുനിൽക്കുന്ന സർക്കാരിനെതിരെ നടപടിയെടുക്കുക, ആ ദിവസങ്ങളിൽ എല്ലാവർക്കും പൊന്നമ്പലമേട്ടിൽ പോകാനും ഈ ദ്രിശ്യം കാണാനും ഫോട്ടോ എടുക്കാനും അനുവദിക്കുക എന്നീ ആവശ്യങ്ങൾ ഉന്നയിച്ചുകൊണ്ടായിരുന്നു കേസ്. എന്നാൽ ഇതിന് കോടതിയിൽ നിന്നും ഉണ്ടായ വിധി “ ഇത് വിശ്വാസത്തിന്റെ പ്രശ്നമാണ്.ഇതിൽ കോടതി ഇടപെടുന്നില്ല” എന്നായിരുന്നു. ഇത് എങ്ങിനെയാണ് വിശ്വാസത്തിന്റെ പ്രശ്നമാകുന്നത്? ഇത് വിശ്വാസികളെ ബോധപൂർവ്വം വഞ്ചിക്കുന്നതിന്റെ പ്രശ്നമല്ലേ?
ഈ വർഷവും മകരജ്യോതി ദർശിക്കാനെത്തിയവരുടെ തിക്കുംതിരക്കും കാരണം വൻദുരന്തം ഉണ്ടാവുകയും നൂറിലെറെപ്പേർ മരിക്കാൻ ഇടയായതിലും ആതീവ ദുഖം ഉള്ളപ്പോൾ തന്നെ പറയട്ടെ ലോകത്തൊരിടത്തും ഇങ്ങനെയൊരു തട്ടിപ്പ് സർക്കാർ നേത്രുത്വത്തിൽ നടക്കുന്നില്ല. ഇത് ഒരു മതേതര സർക്കാരിന് ഭൂഷണമാണോ? ഈ സർക്കാർ സ്പോൺസേർഡ് മകരജ്യോതി തട്ടിപ്പ് അവസാനിപ്പിക്കണം അല്ലെങ്കിൽ എല്ലാമാസവും ജ്യോതി കത്തിച്ച് ദുരന്തങ്ങൾ ഒഴിവാക്കണം. തട്ടിപ്പു നടത്തി കോടികൾ വാരുന്ന ദേവസ്വം ബോർഡിന് ദുരന്ത ബാധിതർക്ക് നഷ്ടപരിഹാരം നൽകാൻ ബാധ്യതയുണ്ട്. അവർക്കു മാത്രമേ ബാധ്യതയുള്ളൂതാനും. മതേതര സർക്കാരിന്റെ നികുതിപ്പണം ഇതിനുപയോഗിക്കുന്നത് നീതീകരിക്കാനാവില്ല. ആരുടെ കണ്ണിൽ പൊടിയിടാനാണ് ജുഡീഷ്യൽ അന്വേഷണം നടത്തുന്നത്. സാമാന്യ ബുദ്ധിയുള്ള ഏതൊരാൾക്കും ഈ ദുരന്തത്തിന്റെ കാരണം അറിയാമെന്നിരിക്കേ സർക്കാർ ജനങ്ങളെ വിഡ്ഡികളാക്കുകയല്ലേ ചെയ്യുന്നത്?
ഈ സന്ദർഭത്തിൽ , 1999 അപകടത്തെതുടർന്ന് സുഗതകുമാരി മാതൃഭൂമി പത്രത്തിൽ എഴുതിയത് പ്രസക്തമാണ്.
ആലീബാബയും നാല്പതു കള്ളന്മാരും
സുഗതകുമാരി

നാൽ‌പ്പത്തൊന്നു ദിവസ്സത്തെ വ്രതാനുഷ്ഠാനം കഴിഞ്ഞ് കറുപ്പുടുത്ത് ഇരുമുടിക്കെട്ടെടുത്ത് മല ചവിട്ടിയെത്തുന്ന ഭക്തന്മാർ ആരേ കാണാനാണ് എത്തുന്നത്? എന്തു കാണാനാണ് എത്തുന്നത്?
വനവാസിയും കരുണാമയനുമായ ശ്രീ അയ്യപ്പനെ എന്നു നാം പറയും. പക്ഷേ, നിഷ്കളങ്ക മനസ്സുകൾക്ക് അത്ഭുതം കണ്ടാലേ നിറവാകൂ. അതിന് ആണ്ടോടാണ്ട് ഒരു ദിവ്യമായ കാഴ്ച മലമുകളിൽ ഒരുക്കപ്പെടുന്നു. ആകാശത്ത് നക്ഷത്രമുദിക്കുകയും കൃഷ്ണപ്പരുന്ത് പറക്കുകയും ചെയ്യുന്നതോടൊപ്പം തെളിഞ്ഞണയുന്ന വിചിത്രജ്യോതിസ് ദേവന്മാർ അയ്യപ്പന് നടത്തുന്ന നീരാജനം. അത് കാണുന്നതോടെ മല ചവിട്ടി വന്ന് മാനത്തേക്ക് കണ്ണ് മിഴിച്ചു നിൽക്കുന്ന ജനലക്ഷങ്ങൾ അത്ഭുതാഹ്ലാദങ്ങൾകൊണ്ട് സ്വയം മറക്കുന്നു. ലക്ഷം ലക്ഷം കണ്ഠങ്ങളുടെ അത്യുച്ചത്തിലുള്ള ശരണം വിളിയാൽ മലനിരകൾ കുലുങ്ങുന്നു. തങ്ങൾക്കുള്ള സർവ്വസ്വവും അവിടെ അർപ്പിച്ചുകൊണ്ട് ഭക്തന്മാർ ആനന്ദ നൃത്തം ചവിട്ടുന്നതു കാണാൻ കഴിഞ്ഞല്ലോ ഈ മഹാത്ഭുതം ലോകത്തെവിടെയുണ്ട് ഇങ്ങനെ നിശ്ചിത സമയത്ത് ആകാശത്ത് ദിവ്യദീപം തെളിഞ്ഞണയുന്നത്? ഇനി മരിച്ചാലെന്ത്? ദേവതകളുടെ ദീപാരാധന കണ്ടുവല്ലോ.
സാധുക്കളായ തമിഴനും തെലുങ്കനും കർണ്ണാടകക്കാരനും എല്ലാം പുളകിതഗാത്രരായി കണ്ണുനീരോടെ തൊഴുകയ്യോടെ മടങ്ങുന്നു. നാട്ടിൽ ചെന്ന് കണ്ടവരോടെല്ലാം ഈ മഹാത്ഭുതം പറയുന്നു. അടുത്ത ആണ്ട് അവരും കെട്ടുംകെട്ടി പുറപ്പെടുന്നു. എല്ലാം വിറ്റുപെറുക്കി ഭഗവത്സന്നിധിയിൽ കൊണ്ടുചെന്ന് ചൊരിയുന്നു. കണ്ണാലെ കണ്ടല്ലോ ദേവന്മാരുടെ ദീപാരാധന.
ആകാശ ദീപാരാധന നടത്തുന്നത് ആലീബാബയും നാല്പത് കള്ളന്മാരുമാണെന്ന് വർഷങ്ങളായി മലയാളിക്ക് അറിയാം. ദേവസ്വം ബോർഡിനും പോലീസ് വകുപ്പിനും വിദ്യുച്ഛക്തി വകുപ്പിനും വനം വകുപ്പിനുമറിയാം. അറിയാത്തത് കള്ളമറിയാത്ത സാധു ലക്ഷങ്ങൾക്ക് മാത്രം. അവർ ആവേശത്തോടെ കൂട്ടം കൂട്ടമായി വന്നു കൊണ്ടേയിരിക്കുന്നു. മലയാളി മണ്ണിലെ ഈ മഹാത്ഭുതം കാണുവാൻ.
ഇത്തവണ അവർക്കു കാണുവാൻ ഒരു വിശേഷദ്രിശ്യം കൂടി ഒരുക്കിയിരിക്കുന്നു. മദ്യം പൂശിയ തൃക്കോവിൽ സുവർണ്ണപ്രഭയിൽ കുളിച്ചു നിൽക്കുന്ന ആ അമൂല്യമന്ദിരം വെറും വനവാസിയായസ്വാമിക്ക് എത്രയധികം പ്രീതിദായകമായിരിക്കും. എത്രയധികം അവിടുന്ന് പ്രസന്നനായിക്കാണും. പൊന്നുപൊതിഞ്ഞ കൊട്ടാരമല്ലോ കാനന വാസന് പ്രിയം . പ്രത്യേകിച്ച് അത് മദ്യത്തിന്റെ കറുത്ത പൊന്നാവുമ്പോൾ. അത് പാപത്തിന്റെ പണമാണെന്നും മദ്യമെന്നത് പെണ്ണിന്റെ കണ്ണീരാണെന്നുമൊക്കെ വിഡ്ഡികൾ പുലമ്പട്ടെ. കരുണാമൂർത്തിയായ അയ്യപ്പസ്വാമി അതൊന്നും അത്ര കാര്യമാക്കുകയില്ല. ഗൾഫിലെ ഷേക്കുമാരെപ്പോലെ പൊന്നുപൂശിയ മന്ദിരം തന്നെയാവും അവിടുത്തെയും സ്വപ്നം. അത് സാക്ഷാത്കരിച്ചു കൊടുത്തതിന് മദ്യക്കമ്പനിക്ക് നന്ദി. അവരുടെ പരസ്യങ്ങൾ ഭക്തലക്ഷങ്ങൾ സഞ്ചരിക്കും വഴിയിലൊക്കെ നിരത്തിയുയർത്തി നാം അവരെ പ്രോത്സാഹിപ്പിച്ചുവല്ലോ.
അങ്ങനെ പൊന്നുപൂശിയ ത്രിക്കോവിൽ കാണാനും ആകാശത്തെ മായാദീപം കാണാനും ലക്ഷങ്ങൾ കോടികൾ ശരണം വിളിച്ചെത്തുന്നു. ഓരോ വർഷവും അവരുടെ എണ്ണം പെരുകുന്നു. ലക്ഷങ്ങൾ കോടികൾ നമ്മുടെ കീശകളിലേക്കും ഖജനാവിലേക്കും വന്നു മറിയുന്നു. അതിനെല്ലാം എന്തു വേണ്ടൂ? എന്തു കെട്ടുകാഴ്ച്ചയ്ക്കും നാം തയ്യാർ, വരട്ടെ പണം.
കുറേപ്പേർ ചവിട്ടേറ്റും തിക്കിലും തിരക്കിലും പെട്ട് പിടഞ്ഞു മരിച്ചു. കുറ്റം ആരുടേത് എന്നതിനെക്കുറിച്ച് നമുക്ക് തർക്കിക്കാം. ദേവസ്വം ബോർഡിന്റേതാണോ ഗവണ്മെന്റിന്റേതാണോ? കൂടുതൽ കാടുവെട്ടി വെളുപ്പിക്കാൻ അനുവദിക്കാത്ത കേന്ദ്രത്തിന്റേതാണോ നാട്ടുകാരുടേതാണോ എന്നൊക്കെ നമുക്ക് വാദപ്രതിവാദം നടത്താം. അന്വേഷണം ആവശ്യപ്പെടാം. അതിലൂടെ സമാധാനം കണ്ടെത്താം.
സമാധാനം കണ്ടെത്താൻ വലിയ അന്വേഷണ വൈദഗ്ദ്ധ്യമൊന്നും ആവശ്യമില്ല. ജനലക്ഷങ്ങൾ സ്വയം മറന്ന് തള്ളിക്കയറുന്നയിടങ്ങളിൽ അപകടങ്ങൾ സംഭവിക്കാറുണ്ട്. കുംഭമേളയിലെ കൂട്ടമരണങ്ങളും മെക്കയിലെ തീപ്പിടുത്തവും മറ്റും ഓർക്കുക. ജനക്കൂട്ടത്തിന്റെ അനിയന്ത്രിത പ്രവാഹം ആപത്തുണ്ടാക്കുക തന്നെ ചെയ്യും. അത് നിയന്ത്രികാൻ വഴിയെന്ത് എന്നത്രേ ആലോചിക്കേണ്ടത്.
ഒരു വഴി മാത്രമേയുള്ളു. ശബരിമല അയ്യപ്പനെ വെറുതെ വിടുക. ഭക്തിവിശ്വാസമുള്ളവർ വ്രതം നോറ്റ് വന്ന് വന്നിച്ചുകൊള്ളും . റവന്യു വരുമാനത്തിനുവേണ്ടിയുള്ള കപടനാടകങ്ങൾ ഹിന്ദു മതത്തിനുതന്നെ കളങ്കമാണ്. അവസാനിപ്പിക്കുക എന്നേക്കുമായി. ഭഗവത്സന്നിധിയിൽ വീണ് പിടഞ്ഞുമരിച്ചവർ ഈ അത്ഭുതം കാട്ടലെന്ന പാപത്തിന്റെ രക്തസാക്ഷികളാണ്. ഒരു ജുഡീഷ്യൽ അന്വേഷണം ഈ ദാരുണബലിക്ക് സമാധാനമാവില്ല.
സമാധാനം കണ്ടെത്താത്തവർ ഇനിയുമുണ്ട്. മരിച്ചവരുടെ ഉറ്റവർ. ഭർത്താവ് മരിച്ചവർ,മക്കൾ നഷ്ടപ്പെട്ടവർ, കുടുംബനാഥൻ നഷ്ടപ്പെട്ടവർ, മുറിവും ചതവും ഒടിവുമേറ്റ് നിത്യരോഗികളായി മാറിയവർ. അവരിലെ ഉള്ളിലെ തീയണയുകയില്ല. അവർ മാത്രമല്ല, മദ്യം പൂശിയും മായാജ്യോതി കാട്ടിയും ഹിന്ദു ധർമ്മത്തെ പങ്കിലമാക്കുന്നതിൽ മനംനൊന്തുപോകുന്ന കുറേപ്പേരുണ്ട് ഈ നാട്ടിൽ. അവർ ഇരുകയ്യുമുയർത്തി ഭഗവാനെ വിളിക്കുന്നു. സ്വാമിയേ പൊറുക്കണേ പൊറുക്കണേ എന്നുമാത്രം.
മാതൃഭൂമി 17-02-1999.

മകര ജ്യോതി എല്ലാ മാസവും കത്തിക്കുക ദുരന്തം ഒഴിവാക്കുക

2011-01-16T08:58:00.000-08:00

ശബരിമലയിലെ നടവരവു വർദ്ധിപ്പിക്കാൻ എല്ലാ വർഷവും മകരം ഒന്നിന് ദേവസ്വം ബോർഡ്, സർക്കാർ സന്നാഹങ്ങളോടെ പൊന്നമ്പലമേട്ടിൽ കർപ്പൂരം ചട്ടിയിൽ കത്തിച്ചുകണിച്ച് നടത്തുന്ന കലാപരിപാടിയാണ് മകരജ്യോതി. 1999 ൽ ഈ സർക്കാർ സ്പോൺസേർഡ് മകരജ്യോതി ദർശിക്കാനുള്ള തിക്കിലും തിരക്കിലും പെട്ട് 53 പേരാണ് മരിച്ചത്. അന്ന് കേരളയുക്തിവാദി സംഘം പ്രസിഡന്റായിരുന്ന പവനൻ ഹൈക്കോടതിയിൽ ഈ വഞ്ചനക്കെതിരെ കേസ് ഫയൽ ചെയ്തു. ദേവസ്വം ബോർഡ് ഭാരവാഹികൾ കർപ്പൂരം കത്തിച്ച് വിശ്വാസികളെ വഞ്ചിക്കുന്നത് നിരോധിക്കുക, ഈ വഞ്ചനക്ക് കൂട്ടുനിൽക്കുന്ന സർക്കാരിനെതിരെ നടപടിയെടുക്കുക, ആ ദിവസങ്ങളിൽ എല്ലാവർക്കും പൊന്നമ്പലമേട്ടിൽ പോകാനും ഈ ദ്രിശ്യം കാണാനും ഫോട്ടോ എടുക്കാനും അനുവദിക്കുക എന്നീ ആവശ്യങ്ങൾ ഉന്നയിച്ചുകൊണ്ടായിരുന്നു കേസ്. എന്നാൽ ഇതിന് കോടതിയിൽ നിന്നും ഉണ്ടായ വിധി “ ഇത് വിശ്വാസത്തിന്റെ പ്രശ്നമാണ്.ഇതിൽ കോടതി ഇടപെടുന്നില്ല” എന്നായിരുന്നു. ഇത് എങ്ങിനെയാണ് വിശ്വാസത്തിന്റെ പ്രശ്നമാകുന്നത്? ഇത് വിശ്വാസികളെ ബോധപൂർവ്വം വഞ്ചിക്കുന്നതിന്റെ പ്രശ്നമല്ലേ?
ഈ വർഷവും മകരജ്യോതി ദർശിക്കാനെത്തിയവരുടെ തിക്കുംതിരക്കും കാരണം വൻദുരന്തം ഉണ്ടാവുകയും നൂറിലെറെപ്പേർ മരിക്കാൻ ഇടയായതിലും ആതീവ ദുഖം ഉള്ളപ്പോൾ തന്നെ പറയട്ടെ ലോകത്തൊരിടത്തും ഇങ്ങനെയൊരു തട്ടിപ്പ് സർക്കാർ നേത്രുത്വത്തിൽ നടക്കുന്നില്ല. ഇത് ഒരു മതേതര സർക്കാരിന് ഭൂഷണമാണോ? ഈ സർക്കാർ സ്പോൺസേർഡ് മകരജ്യോതി തട്ടിപ്പ് അവസാനിപ്പിക്കണം അല്ലെങ്കിൽ എല്ലാമാസവും ജ്യോതി കത്തിച്ച് ദുരന്തങ്ങൾ ഒഴിവാക്കണം. തട്ടിപ്പു നടത്തി കോടികൾ വാരുന്ന ദേവസ്വം ബോർഡിന് ദുരന്ത ബാധിതർക്ക് നഷ്ടപരിഹാരം നൽകാൻ ബാധ്യതയുണ്ട്. അവർക്കു മാത്രമേ ബാധ്യതയുള്ളൂതാനും. മതേതര സർക്കാരിന്റെ നികുതിപ്പണം ഇതിനുപയോഗിക്കുന്നത് നീതീകരിക്കാനാവില്ല. ആരുടെ കണ്ണിൽ പൊടിയിടാനാണ് ജുഡീഷ്യൽ അന്വേഷണം നടത്തുന്നത്. സാമാന്യ ബുദ്ധിയുള്ള ഏതൊരാൾക്കും ഈ ദുരന്തത്തിന്റെ കാരണം അറിയാമെന്നിരിക്കേ സർക്കാർ ജനങ്ങളെ വിഡ്ഡികളാക്കുകയല്ലേ ചെയ്യുന്നത്?
ഈ സന്ദർഭത്തിൽ , 1999 അപകടത്തെതുടർന്ന് സുഗതകുമാരി മാത്രുഭൂമി പത്രത്തിൽ എഴുതിയത് പ്രസക്തമാണ്.
ആലീബാബയും നാല്പതു കള്ളന്മാരും
സുഗതകുമാരി

നാൽ‌പ്പത്തൊന്നു ദിവസ്സത്തെ വ്രതാനുഷ്ഠാനം കഴിഞ്ഞ് കറുപ്പുടുത്ത് ഇരുമുടിക്കെട്ടെടുത്ത് മല ചവിട്ടിയെത്തുന്ന ഭക്തന്മാർ ആരേ കാണാനാണ് എത്തുന്നത്? എന്തു കാണാനാണ് എത്തുന്നത്?
വനവാസിയും കരുണാമയനുമായ ശ്രീ അയ്യപ്പനെ എന്നു നാം പറയും. പക്ഷേ, നിഷ്കളങ്ക മനസ്സുകൾക്ക് അത്ഭുതം കണ്ടാലേ നിറവാകൂ. അതിന് ആണ്ടോടാണ്ട് ഒരു ദിവ്യമായ കാഴ്ച മലമുകളിൽ ഒരുക്കപ്പെടുന്നു. ആകാശത്ത് നക്ഷത്രമുദിക്കുകയും ക്രിഷ്ണപ്പരുന്ത് പറക്കുകയും ചെയ്യുന്നതോടൊപ്പം തെളിഞ്ഞണയുന്ന വിചിത്രജ്യോതിസ് ദേവന്മാർ അയ്യപ്പന് നടത്തുന്ന നീരാജനം. അത് കാണുന്നതോടെ മല ചവിട്ടി വന്ന് മാനത്തേക്ക് കണ്ണ് മിഴിച്ചു നിൽക്കുന്ന ജനലക്ഷങ്ങൾ അത്ഭുതാഹ്ലാദങ്ങൾകൊണ്ട് സ്വയം മറക്കുന്നു. ലക്ഷം ലക്ഷം കണ്ഠങ്ങളുടെ അത്യുച്ചത്തിലുള്ള ശരണം വിളിയാൽ മലനിരകൾ കുലുങ്ങുന്നു. തങ്ങൾക്കുള്ള സർവ്വസ്വവും അവിടെ അർപ്പിച്ചുകൊണ്ട് ഭക്തന്മാർ ആനന്ദന്രിത്തം ചവിട്ടുന്നു. കാണാൻ കഴിഞ്ഞല്ലോ ഈ മഹാത്ഭുതം ലോകത്തെവിടെയുണ്ട് ഇങ്ങനെ നിശ്ചിത സമയത്ത് ആകാശത്ത് ദിവ്യദീപം തെളിഞ്ഞണയുന്നത്? ഇനി മരിച്ചാലെന്ത്? ദേവതകളുടെ ദീപാരാധന കണ്ടുവല്ലോ.
സാധുക്കളായ തമിഴനും തെലുങ്കനും കർണ്ണാടകക്കാരനും എല്ലാം പുളകിതഗാത്രരായി കണ്ണുനീരോടെ തൊഴുകയ്യോടെ മടങ്ങുന്നു. നാട്ടിൽ ചെന്ന് കണ്ടവരോടെല്ലാം ഈ മഹാത്ഭുതം പറയുന്നു. അടുത്ത ആണ്ട് അവരും കെട്ടുംകെട്ടി പുറപ്പെടുന്നു. എല്ലാം വിറ്റുപെറുക്കി ഭഗവത്സന്നിധിയിൽ കൊണ്ടുചെന്ന് ചൊരിയുന്നു. കണ്ണാലെ കണ്ടല്ലോ ദേവന്മാരുടെ ദീപാരാധന.
ആകാശ ദീപാരാധന നടത്തുന്നത് ആലീബാബയും നാല്പത് കള്ളന്മാരുമാണെന്ന് വർഷങ്ങളായി മലയാളിക്ക് അറിയാം. ദേവസ്വം ബോർഡിനും പോലീസ് വകുപ്പിനും വിദ്യിച്ഛക്തി വകുപ്പിനും വനം വകുപ്പിനുമറിയാം. അറിയാത്തത് കള്ളമറിയാത്ത സാധു ലക്ഷങ്ങൾക്ക് മാത്രം. അവർ ആവേശത്തോടെ കൂട്ടം കൂട്ടമായി വന്നു കൊണ്ടേയിരിക്കുന്നു. മലയാളി മണ്ണിലെ ഈ മഹാത്ഭുതം കാണുവാൻ.
ഇത്തവണ അവർക്കു കാണുവാൻ ഒരു വിശേഷദ്രിശ്യം കൂടി ഒരുക്കിയിരിക്കുന്നു. മദ്യം പൂശിയ ത്രിക്കോവിൽ സുവർണ്ണപ്രഭയിൽ കുളിച്ചു നിൽക്കുന്ന ആ അമൂല്യമന്ദിരം വെറും വനവാസിയായസ്വാമിക്ക് എത്രയധികം പ്രീതിദായകമായിരിക്കും. എത്രയധികം അവിടുന്ന് പ്രസന്നനായിക്കാണും. പൊന്നുപൊതിഞ്ഞ കൊട്ടാരമല്ലോ കാനന വാസന് പ്രിയം . പ്രത്യേകിച്ച് അത് മദ്യത്തിന്റെ കറുത്ത പൊന്നാവുമ്പോൾ. അത് പാപത്തിന്റെ പണമാണെന്നും മദ്യമെന്നത് പെണ്ണിന്റെ കണ്ണീരാണെന്നുമൊക്കെ വിഡ്ഡികൾ പുലമ്പട്ടെ. കരുണാമൂർത്തിയായ അയ്യപ്പസ്വാമി അതൊന്നും അത്ര കാര്യമാക്കുകയില്ല. ഗൾഫിലെ ഷേക്കുമാരെപ്പോലെ പൊന്നുപൂശിയ മന്ദിരം തന്നെയാവും അവിടുത്തെയും സ്വപ്നം. അത് സാക്ഷാത്കരിച്ചു കൊടുത്തതിന് മദ്യക്കമ്പനിക്ക് നന്ദി. അവരുടെ പരസ്യങ്ങൾ ഭക്തലക്ഷങ്ങൾ സഞ്ചരിക്കും വഴിയിലൊക്കെ നിരത്തിയുയർത്തി നാം അവരെ പ്രോത്സാഹിപ്പിച്ചുവല്ലോ.
അങ്ങനെ പൊന്നുപൂശിയ ത്രിക്കോവിൽ കാണാനും ആകാശത്തെ മായാദീപം കാണാനും ലക്ഷങ്ങൾ കോടികൾ ശരണം വിളിച്ചെത്തുന്നു. ഓരോ വർഷവും അവരുടെ എണ്ണം പെരുകുന്നു. ലക്ഷങ്ങൾ കോടികൾ നമ്മുടെ കീശകളിലേക്കും ഖജനാവിലേക്കും വന്നു മറിയുന്നു. അതിനെല്ലാം എന്തു വേണ്ടൂ? എന്തു കെട്ടുകാഴ്ച്ചയ്ക്കും നാം തയ്യാർ, വരട്ടെ പണം.
കുറേപ്പേർ ചവിട്ടേറ്റും തിക്കിലും തിരക്കിലും പെട്ട് പിടഞ്ഞു മരിച്ചു. കുറ്റം ആരുടേത് എന്നതിനെക്കുറിച്ച് നമുക്ക് തർക്കിക്കാം. ദേവസ്വം ബോർഡിന്റേതാണോ ഗവണ്മെന്റിന്റേതാണോ? കൂടുതൽ കാടുവെട്ടി വെളുപ്പിക്കാൻ അനുവദിക്കാത്ത കേന്ദ്രത്തിന്റേതാണോ നാട്ടുകാരുടേതാണോ എന്നൊക്കെ നമുക്ക് വാദപ്രതിവാദം നടത്താം. അന്വേഷണം ആവശ്യപ്പെടാം. അതിലൂടെ സമാധാനം കണ്ടെത്താം.
സമാധാനം കണ്ടെത്താൻ വലിയ അന്വേഷണ വൈദഗ്ദ്ധ്യമൊന്നും ആവശ്യമില്ല. ജനലക്ഷങ്ങൾ സ്വയം മറന്ന് തള്ളിക്കയറുന്നയിടങ്ങളിൽ അപകടങ്ങൾ സംഭവിക്കാറുണ്ട്. കുംഭമേളയിലെ കൂട്ടമരണങ്ങളും മെക്കയിലെ തീപ്പിടുത്തവും മറ്റും ഓർക്കുക. ജനക്കൂട്ടത്തിന്റെ അനിയന്ത്രിത പ്രവാഹം ആപത്തുണ്ടാക്കുക തന്നെ ചെയ്യും. അത് നിയന്ത്രികാൻ വഴിയെന്ത് എന്നത്രേ ആലോചിക്കേണ്ടത്.
ഒരു വഴി മാത്രമേയുള്ളു. ശബരിമല അയ്യപ്പനെ വെറുതെ വിടുക. ഭക്തിവിശ്വാസമുള്ളവർ വ്രതം നോറ്റ് വന്ന് വന്നിച്ചുകൊള്ളും . റവന്യു വരുമാനത്തിനുവേണ്ടിയുള്ള കപടനാടകങ്ങൾ ഹിന്ദു മതത്തിനുതന്നെ കളങ്കമാണ്. അവസാനിപ്പിക്കുക എന്നേക്കുമായി. ഭഗവത്സന്നിധിയിൽ വീണ് പിടഞ്ഞുമരിച്ചവർ ഈ അത്ഭുതം കാട്ടലെന്ന പാപത്തിന്റെ രക്തസാക്ഷികളാണ്. ഒരു ജുഡീഷ്യൽ അന്വേഷണം ഈ ദാരുണബലിക്ക് സമാധാനമാവില്ല.
സമാധാനം കണ്ടെത്താത്തവർ ഇനിയുമുണ്ട്. മരിച്ചവരുടെ ഉറ്റവർ. ഭർത്താവ് മരിച്ചവർ,മക്കൾ നഷ്ടപ്പെട്ടവർ, കുടുംബനാഥൻ നഷ്ടപ്പെട്ടവർ, മുറിവും ചതവും ഒടിവുമേറ്റ് നിത്യരോഗികളായി മാറിയവർ. അവരിലെ ഉള്ളിലെ തീയണയുകയില്ല. അവർ മാത്രമല്ല, മദ്യം പൂശിയും മായാജ്യോതി കാട്ടിയും ഹിന്ദു ധർമ്മത്തെ പങ്കിലമാക്കുന്നതിൽ മനംനൊന്തുപോകുന്ന കുറേപ്പേരുണ്ട് ഈ നാട്ടിൽ. അവർ ഇരുകയ്യുമുയർത്തി ഭഗവാനെ വിളിക്കുന്നു. സ്വാമിയേ പൊറുക്കണേ പൊറുക്കണേ എന്നുമാത്രം.
മാത്രുഭൂമി 17-02-1999.

പുസ്തകങ്ങൾക്ക് ആകർഷകമായ വിലക്കുറവ്

2011-01-12T07:50:00.000-08:00

പുസ്തകങ്ങൾക്ക് ആകർഷകമായ വിലക്കുറവ്. പുസ്തകങ്ങൾ ഈ-മെയിലിലൂടെയോ ഫോൺ ചെയ്തൊ ആവശ്യപ്പെടാം. പണം മണി ഓർഡറായി അയക്കുക. പുസ്തകങ്ങൾ രജിസ്റ്റേർഡ് പോസ്റ്റിൽ അയക്കും. വി.പി.പി ഏർപ്പാടില്ല.

പ്രൊഫ.ടി.ജെ.ജോസഫ് സഹായ ഫണ്ട് വിജയിപ്പിക്കുക

2010-10-11T11:52:00.000-07:00

ശ്രീനാരായണ ഗുരുവും യുക്തിവാദികളും

2010-09-24T10:47:00.000-07:00

ശങ്കരനാരായണൻ മലപ്പുറം 07.09.2001 ല്‍ 'മാധ്യമ'ത്തില്‍ എഴുതിയ
ഗുരുദേവ് എക്‌സ്പ്രസ്സും സവര്‍ണ യുക്തിവാദവും എന്ന കുറിപ്പിനുള്ള മറുപടി.
കേരളത്തിലെ അറിയപ്പെടുന്ന മനുഷ്യദൈവമായ അമ്രതാനന്ദമയിയുടെ പേര് അന്ന് പുതുതായി ആരംഭിക്കാൻ തീരുമാനിച്ച പാലക്കാട്-തിരുവനന്തപുരം തീവണ്ടിക്ക് (6343/6344) റെയിൽവേസഹ മന്ത്രിയായിരുന്ന ഒ.രാജഗോപാൽ നൽകാൻ തീരുമാനിച്ചപ്പോൾ , ജീവിച്ചിരിക്കുന്ന വ്യക്തികളുടെ പേര് ട്രയിനിനു നൽകുന്നത് തടയണമെന്ന് ആവശ്യപ്പെട്ടുകൊണ്ട് കേരള യുക്തിവാദി സംഘം കേസ് ഫയൽ ചെയ്തു.അമ്രതാനന്ദമയി ഭക്തനായ ജഡ്ജി അത് ഫയലിൽ സ്വീകരിക്കാതെ തള്ളി. കേരള യുക്തിവാദി സംഘം ഫയൽ ചൈതിട്ടുള്ള പലകേസുകളും വിശ്വാസത്തിന്റെ കാര്യമാണെന്നു പറഞ്ഞ് തള്ളിയിട്ടുണ്ട്(മകര ജ്യോതി തട്ടിപ്പ് ഉൾപ്പെടെയുള്ള പല കേസുകളും). ഈ ജഡ്ജിമാർ കേസുകൾക്ക് തീർപ്പുകൽ‌പ്പിക്കുന്നത് നീതിന്യായവ്യവസ്ഥയുടെ അടിസ്ഥാനത്തിലോ അതൊ തന്റെ വിശ്വാസത്തിന്റെ അടിസ്ഥാനത്തിലോ എന്ന സംശയം നീതിന്യായവ്യവസ്ഥയുടെ വിശ്വാസ്യതയെത്തന്നെ ചോദ്യം ചെയ്യുന്നു.
“ജീവിച്ചിരിക്കുന്നതോ മരിച്ചതോ ആയ വ്യക്തികളെ ഉദ്ദേശിച്ചല്ല ട്രയിനുകൾക്ക് പേരിടുന്നത്.പുതുതായി തുടങ്ങുന്ന ഹൌറ-നാഗർകോവിൽ എക്സ്പ്രസ്സിന് ‘ഗുരുദേവ് എക്സ്പ്രസ്സ്’ എന്നു നൽകുന്നത് ആദ്യത്തെ നോബൽ സമ്മാനം നേടിയ മഹാനായ ഇന്ത്യക്കാരൻ രവീന്ദ്രനാഥ ടാഗോറിനെ അനുസ്മരിക്കുന്നതിനാണ്. പാലക്കാട്-തിരുവനന്തപുരം എക്സ്പ്രസ്സിന് അമ്രതാഎക്സ്പ്രസ്സ് എന്ന് പേരിടുന്നത് ‘അമ്രത്’ എന്ന അർത്ഥത്തിലാണ്.“ ഇതായിരുന്നു റയിൽവേയുടെ വിശദീകരണം.
കേരളയുക്തിവാദി സംഘമോ മറ്റ് യുക്തിവാദികളോ ശ്രീനാരാ‍യണഗുരുവിനെ ഒരു മതത്തിന്റെ വക്താവായി കണ്ടിട്ടില്ല. പവനന്റെയും ഇടമറുകിന്റെയും എം.പ്രഭയുടെയും മറ്റും ഗുരുവിനെക്കുറിച്ചുള്ള ലേഖനങ്ങളും പുസ്തകങ്ങളും വായിച്ചിട്ടുള്ളവരാരും ഇത്തരം ഒരു ആരോപണം ഉന്നയിക്കുകയില്ല. ശ്രീനാരായണഗുരുവിന്റെ പേര് ട്രയിനിനു നൽകുന്നത് തടഞ്ഞുകൊണ്ട് യുക്തിവാദി സംഘം കേസ് ഫയൽ ചെയ്തിട്ടില്ല. വസ്തുത ഇതായിരിക്കെ ശങ്കരനാരായാണന്റെ കുറിപ്പ് വസ്തുതകളെ വളച്ചൊടിച്ചതും ദുരുപദേഷ്ടിതവുമാണ്.
വാൽക്കഷണം : ഹൌറയിൽ നിന്ന് ആരംഭിച്ച് നാഗർകോവിലിൽ അവസാനിക്കുന്ന ട്രയിനിന് ഗുരുദേവ്(ഗുരുദേവനല്ല) എക്സ്പ്രസ് എന്ന് പേരിടാൻ റയിൽവേ തീരുമാനിച്ചപ്പോൾ, സഹമന്ത്രിയായിരുന്ന ഒ.രാജഗോപാൽ ശ്രീനാരായണഗുരുവിന്റെ പേരാണ് ട്രയിനിനു നൽകുന്നതെന്ന് വെള്ളാപ്പള്ളിയെ തെറ്റിദ്ധരിപ്പിക്കുകയും പാവം ശ്രീനാരായണ ഭക്തർ പാലക്കാടുമുതൽ തിരുവനന്തപുരം വരെ സ്വീകരണം നൽകുകയും ചെയ്തു.

കത്തോലിക്കാ മതഭീകരതയ്ക്കെതിരെ

2010-09-19T11:56:00.000-07:00

കത്തോലിക്കാ മതഭീകരതയ്ക്കെതിരെ മതവിരുദ്ധ റാലിയും പൊതുസമ്മേളനവും

മത വിരുദ്ധ റാലി

2010-08-20T12:02:00.000-07:00

ഭൌതിക ശരീരവും വിശ്വാസങ്ങളും

2010-08-04T23:26:00.000-07:00

സഹസ്രാബ്ദങ്ങൾ പിന്നിട്ട മനുഷ്യസംസ്ക്രിതിയുടെയും അധിനിവേശങ്ങളെ അതിജീവിച്ച ഗോത്രസംസ്കാരങ്ങളുടെയും ചരിത്രമുറങ്ങുന്ന വയനാട്ടിൽ എൺപതുകളുടെ തുടക്കം മുതൽ തന്നെ ശാസ്ത്രബോധവും യുക്തിചിന്തയും പ്രചരിപ്പിച്ച ജനകീയപ്രസ്ഥാനങ്ങളുടെ മുന്നിരയിൽ ബത്തേരിപുത്തങ്കുന്ന് സ്വദേശിയായ അബ്ദുള്ളക്കുട്ടിയും ഉണ്ടായിരുന്നു.
നിശ്ചയദാർഢ്യവും, ആദർശധീരതയും, അർപ്പണമനോഭാവവും കൊണ്ട് സ്വന്തം കർമ്മമണ്ഡലത്തിൽ ശ്രദ്ധേയനായ അദ്ദേഹം ഏറെക്കാലം കേരളയുക്തിവാദി സംഘത്തിന്റെ ജില്ലാ സെക്രട്ടറിയായിരുന്നു. മരണശേഷം കണ്ണുകൾ അന്ധർക്കും ശരീരം മെഡിക്കൽ വിദ്യാർത്ഥികൾക്ക് പഠനത്തിനും സമർപ്പിച്ച അബ്ദുള്ളക്കുട്ടിയെയും അദ്ദേഹത്തിന്റെ അന്ത്യാഭിലാഷം നിർവിഘ്നം നിറവേറ്റിയ കുടുംബാംഗങ്ങളെയും സ്നേഹപൂർവ്വം സ്മരിക്കുന്നു.
2010 ആഗസ്റ്റ് 15 ന് കൽ‌പ്പറ്റ എൻ.ജി.ഒ.യൂണിയൻ ഹാളിൽ നടക്കുന്ന മരണാനന്തര നേത്ര-ശരീരദാന സമ്മതപത്ര സമർപ്പണത്തിലൂടെ യുക്തിവാദി സംഘം പ്രവർത്തകർ സി.കെ.അടയളപ്പെടുത്തിയ മാത്രുകയിൽത്തന്നെ അദ്ദേഹത്തെ ആദരിക്കുകയും അനുസ്മരിക്കുകയുമാണ്.
മതേതര മാനവികമൂല്യങ്ങൾ ബലികഴിച്ചുകൊണ്ട് സങ്കുചിതവും പ്രാക്രതവും ഭരണഘടനാവിരുദ്ധവുമായ നീചക്രിത്യങ്ങളിലൂടെ പോപ്പുലറാവൻ ശ്രമിക്കുന്നവരും ഇടയലേഖനമിറക്കി പൌരന്റെ സ്വതന്ത്ര സമ്മതിദാനാവകാശത്തെ സ്വാധീനിക്കാൻ ശ്രമിക്കുന്നവരും ബാബറിമസ്ജിത് തകർത്ത് ഭാരതത്തെ കലാപഭൂമിയാക്കി മധുരമുണ്ടവരും മനുഷ്യസമൂഹത്തിന്റെമുന്നോട്ടുള്ള പ്രയാണത്തെ തടയിടാൻ വിഫലശ്രമം നടത്തുകയാണ് . മതേതര ജനാധിപത്യം നേരിടുന്ന ഇത്തരം അരാഷ്ട്രീയ വെല്ലുവിളികൾ മറികടക്കുന്നതിന് മതാന്ധതയുടെ കൂരിരുളിൽ നിന്നും മനുഷ്യസ്നേഹത്തിന്റേയും നന്മയുടേയും പുലരിയിലേക്ക് ശാസ്ത്രബോധവും യുക്തിചിന്തയുമായി നമുക്ക് യാത്രതുടരാം.
ശാസ്ത്രലേഖകനായ ജീവൻ ജോബ് തോമസിന്റെ ഭൌതിക ശരീരവും വിശ്വാസങ്ങളും എന്ന പഠനക്ലാസ്സോടെ ആരംഭിക്കുന്ന അനുസ്മരണപരിപാടിയിൽ പരിയാരം മെഡിക്കൽ കോളേജ് പ്രിൻസിപ്പാൾ ഡോ.ബി.രാധാക്രിഷ്ണൻ സമ്മതപത്രം ഏറ്റുവാങ്ങുന്നു.
ഏവരുടെയും സാന്നിദ്ധ്യവും സഹകരണവും അഭ്യർത്ഥിക്കുന്നു.
സ്നേഹാദരങ്ങളോടെ,
എം.ദിവാകരൻ (പ്രസിഡന്റ്) ബഷീർ ആന്ദ് ജോൺ (സെക്രട്ടറി)
കേരളയുക്തിവാദി സംഘം, വയനാട് ജില്ലാകമ്മറ്റി.

കാര്യപരിപാടി
15- 08-2010 ഞായർ
10 മണിക്ക് പഠനക്ലാസ് - ഭൌതിക ശരീരവും വിശ്വാസങ്ങളും
വിഷയാവതരണം : ജീവൻ ജോബ് തോമസ്
2 മണിക്ക് - സി.കെ.അബ്ദുള്ളക്കുട്ടി അനുസ്മരണവും സമ്മതപത്രം ഏറ്റുവാ‍ങ്ങലും
അദ്ധ്യക്ഷൻ - യു.കലാനാഥൻ (കെ.വൈ.എസ്. സംസ്ഥാന പ്രസിഡന്റ്)
സമ്മതപത്രം ഏറ്റുവാ‍ങ്ങൽ - ഡോ.ബി.രാധാക്രിഷ്ണൻ (പ്രിൻസിപ്പാൾ, പരിയാരം മെഡിക്കൽ കോളേജ്)
അനുസ്മരണപ്രഭാഷണം - ഇ.എ.ജബ്ബാർ.

ജസ്റ്റിസ് കൃഷ്ണയ്യര്‍കമ്മീഷന് റിപ്പോര്‍ട്ട് നടപ്പിലാക്കുക

2010-07-18T07:01:00.000-07:00

ജസ്റ്റിസ് കൃഷ്ണയ്യര്‍കമ്മീഷന് റിപ്പോര്‍ട്ട് നടപ്പിലാക്കുക : കേരള യുക്തിവാദി സംഘം .
ലോകത്തെ വലിയ ഭരണഘടനയുള്ള രാജ്യമായ ഇന്ത്യയില്‍ പല നിയമങ്ങളും കാലഹരണപ്പെട്ടവയാണ് . ഈ സാഹചര്യത്തില്‍ സംസ്ഥാന സര്‍ക്കാര്‍ നിയമ പരിഷ്കരണത്തിനായി ജസ്റ്റിസ് കൃഷ്ണയ്യര്‍ ചെയർമാനായി ഒരു കമ്മീഷനെ നിയമിക്കുകയും , കമ്മീഷൻ അതിന്റെ റിപ്പോർട്ട് 2009 ജനുവരി 24-ആം തീയതി സർക്കാരിനു സമർപ്പിക്കുകയുമുണ്ടായി. എന്നാൽ സർക്കാർ നാളിതുവരെ യാതൊരു നടപടികളും സ്വീകരിച്ചിട്ടില്ല. അറുപത്തി അഞ്ച് പുതിയ നിയമങ്ങളും ഇരുപത്തി ഒൻപത് നിയമഭേദഗതികളും ഒൻപത് ചട്ടഭേദഗതികളും ആണ് റിപ്പോർട്ടിൽ നിർദ്ദേശിച്ചിട്ടുള്ളത്.നിർബന്ധിതവും സൌജന്യവുമായ വിദ്യാഭ്യാസം , അഴിമതിക്കാരായ പൊതുപ്രവർത്തകരുടെ സ്വത്ത് കണ്ടുകെട്ടൽ, പ്ലാസ്റ്റിക് നിരോധനം,കണ്ടുകെട്ടിയ വാഹനങ്ങളും മറ്റും സമയബന്ധിതമായി വിറ്റൊഴിക്കൽ , അനാവശ്യ വ്യവഹാരങ്ങൾ തടയൽ, നഗരസ്വത്തിനു പരിധി നിർണ്ണയിക്കൽ, ഉച്ചഭാഷിണി, വെടിക്കെട്ട് തുടങ്ങിയവയുടെശബ്ദമലിനീകരണം തടയൽ, കുടുംബാസൂത്രണവും ശിശുക്ഷേമവും ഉറപ്പാക്കൽ, വീട്ടുജോലിക്കാരുടെ സേവനം-വേതനം-ജോലി-സാമൂഹ്യ സുരക്ഷിതത്വം ഉറപ്പുവരുത്തൽ, ജന്തു,പക്ഷിബലി നിരോധന ഭേദഗതി തുടങ്ങിയവ നിർദ്ദേശങ്ങളിൽ‌പ്പെടുന്നു. ക്രിസ്ത്യൻ വിവാഹവുമായും, പിതാവിനു മുൻപ് മരിച്ചുപോയ മുസ്ലിം കുട്ടികളുടെ അനന്തരാവകാശികൾക്ക് സ്വത്ത്‌ ലഭിക്കുന്നതുമായും, ക്രിസ്ത്യൻ പള്ളികളുടെയും സ്ഥാപനങ്ങളുടെയും സ്വത്തുക്കൾ സംബന്ധിച്ചും, ക്രിസ്ത്യൻ ദത്തെടുക്കലുമായി ബന്ധപ്പെട്ടും പൊതു സ്ഥലങ്ങളിൽ ആരാധനനടത്തുന്നതിനുള്ള പെരുമാറ്റ ചട്ടങ്ങളെ സംബന്ധിച്ചുമുള്ള നിയമ നിർദ്ദേശങ്ങളും സ്വാഭാവികമായി മതാദ്ധ്യക്ഷന്മാരുടെഭാഗത്തു നിന്ന് കടുത്ത എതിർപ്പിന് ഇടയാക്കി. മതപ്രീണനത്തിന്റെ ഫലമെന്നോണം ഈ റിപ്പോർട്ട് നടപ്പിലാക്കുന്നതിനുള്ള സാധ്യത തുലോം വിരളമാണ് . മതവിശ്വാസത്തിന്റെ മൊത്തക്കച്ചവടം നടത്തുന്നവർ ഏറ്റെടുത്തിട്ടുള്ളഎതിർപ്പുകളെ നേരിടാൻ ഭരണകൂടത്തിന് ബാധ്യതയുണ്ട്. നീതി നിർവഹണരംഗത്ത് ലോകസമ്മതനായ ജസ്റ്റിസ് കൃഷ്ണയ്യര്‍ ചെയർമാനായ കമ്മീഷന്റെ റിപ്പോർട്ട് പഠിക്കുകയോ, പരിഗണിക്കുകയൊ ചെയ്യുന്നില്ല എന്നത് ചരിത്രപരമായ കുറ്റമായിരിക്കും. ഈ സാഹചര്യത്തിൽ ജസ്റ്റിസ് കൃഷ്ണയ്യര്‍ റിപ്പോർട്ട് നടപ്പാക്കണമെന്ന് ആവശ്യപ്പെട്ട് 2010 ജുലൈ 23 വെള്ളിയാഴ്ച രവിലെ 10.30 ന് സെക്രട്ടറിയേറ്റിനു മുമ്പിൽ ധർണ്ണ നടത്തുവാൻ കേരള യുക്തിവാദി സംഘം തീരുമാനിച്ചിരിക്കുന്നു. എല്ലാ സമാനമനസ്കരുടെയും സാന്നിദ്ധ്യം അഭ്യർത്ഥിക്കുന്നു.

കണ്ണിന് കണ്ണ് പല്ലിന് പല്ല്

2010-07-04T13:30:00.000-07:00

കണ്ണിന് കണ്ണ് പല്ലിന് പല്ല് എന്ന ഇസ്ലാമിക ശരിയത്ത് നിയമം താലിബാനിസ്റ്റ് മതഭീകരവാദികൾ കേരളത്തിലും നടപ്പിലാക്കിയിരിക്കുന്നു.തൊടുപുഴ ന്യൂമാൻ കോളേജ് അദ്ധ്യാപകൻ ടി. ജെ.ജോസഫിന്റെ കൈ വെട്ടിമാറ്റിയിരിക്കുന്നു ഈ മത ഭീകരവാദികൾ. മതം സമാധാനമാണ് , സ്നേഹമാണ് എന്ന് നാഴികയ്ക്കു നാൽ‌പ്പതു വട്ടം വീമ്പിളക്കുന്നവരാണ് ഇതിന് സമാധാനം പറയേണ്ടത്. മതനിരപേക്ഷ കേരളം ഈ പൈശാചിക പ്രവർത്തിയിൽ പ്രതിഷേധിക്കൂ...

ബുക്കുകള്‍ക്ക് ആകര്‍ഷകമായ വിലക്കുറവ്

2010-03-10T20:08:00.000-08:00

സ്ടോക്കുള്ള ബുക്കുകള്‍ തപാലിലൂടെയൊ ഇമെയിലിലൂടെയോ ആവശ്യപ്പെടാം . പത്തുമുതല്‍ പതിനഞ്ചു ശതമാനംവരെ വിലക്കുറവില്‍ പോസ്ടെജു സൌജന്യമായി അയച്ചുതരുന്നതാണ് . പണം മണി ഓര്‍ഡര്‍അയക്കുക .
നാസ്തികനായ ദൈവം( മുഖവില 225 രൂ. ഇപ്പോള്‍ 200 രൂപയ്ക്ക് പോസ്ടെജു സൌജന്യമായി )

കേന്ദ്ര - കേരള സര്‍ക്കാരുകളുടെ മത പ്രീണനം

2009-03-16T07:57:00.000-07:00

ഇന്ത്യന്‍ ജനാധിപത്യത്തെയും മതേതരമായ നമ്മുടെ വിദ്യാഭ്യാസ മേഖലയെയും അട്ടിമറിച്ചുകൊണ്ട് മദ്രസ്സ വിദ്യാഭ്യാസം സീ ബീ എസ് സീ ക്ക് തുല്യമാക്കാനുള്ള കേന്ദ്ര മാനവവിഭവശേഷി വകുപ്പിന്റെ തീരുമാനം ഇന്ത്യന്‍ മതേതരത്വത്തിന് ഒരു വെല്ലു വിളിയാണ്. മതേതരവാദികളായ രാഷ്ട്രീയക്കാരോ സാംസ്കാരിക ബുദ്ധിജീവികളോ വിദ്യാഭ്യാസ വിചഷണരോ ഇതിനെതിരെ പ്രതിഷേധിക്കുകയോ പ്രതികരിക്കുകയോ ചെയ്യാത്തത് വളരെ ഗൌരവമായി കാണേണ്ടതാണ്. മതത്തിനെതിരെ ശബ്ദിച്ചാല്‍ മതവോട്ടുകള്‍ നഷ്ടപ്പെടുമെന്നുള്ള ഭീതി രാഷ്ട്രീയ പാര്‍ട്ടികളെ ഈ വിഷയത്തില്‍ നിന്ന് അകറ്റി നിര്‍ത്തിയിരിക്കുകയാണ്. തീര്‍ത്തും മതപരമായ ഹജ്ജ് കര്‍മ്മത്തിന് സബ്സിഡി കൊടുത്ത് ന്യൂനപക്ഷ വോട്ട് ഉറപ്പാക്കിയ കോണ്‍ഗ്രസ്സ് സര്‍ക്കാര്‍ വീണ്ടും ഇതേ തന്ത്രം ആവര്‍ത്തിക്കുകയാണ് ചെയ്തിട്ടുള്ളത്. കേരളത്തിലാകട്ടെ ഇടതുമുന്നണി സര്‍ക്കാര്‍ കേന്ദ്ര സര്‍ക്കാരിനേക്കാള്‍ വാശിയോടെ ന്യൂനപക്ഷ പ്രീണനം നടത്തി വോട്ട് നേടാനായി മദ്രസ്സ അദ്ധ്യാപകര്‍ക്ക് ക്ഷേമനിധിയും 4000 രൂപ പ്രതിമാസ പെന്‍ഷനും ഏര്‍പ്പെടുത്തിയിരിക്കുന്നു.കയര്‍-കര്‍ഷകത്തൊഴിലാളി പെന്‍ഷനുകള്‍ കേവലം 250 രൂപ മാത്രം ഉള്ളപ്പോഴാണ് മതാദ്ധ്യാപകര്‍ക്ക് വര്‍ഗ്ഗീയത വളര്‍ത്തുന്നതിനുള്ള കൂലിയായി പൊതുഖജനാവില്‍ നിന്നും ഈ ഭീമ സംഖ്യ കൊടുക്കുന്നത്. വോട്ട് ബാങ്ക് സംരക്ഷിക്കാനുള്ള സര്‍ക്കാരുകളുടെ വ്യഗ്രതയില്‍ ഇന്ത്യക്ക് ന്ഷ്ടപ്പെടുന്നത് മതേതരമായ അതിന്റെ പൊതുവിദ്യാഭ്യാസ മേഖലയാണ്. മദ്രസ്സയില്‍ പഠിപ്പിക്കുന്നത് മതമാണ്. മതപഠനം സര്‍ക്കാരിന്റെ ബാധ്യതയല്ല. ഇന്ന് മദ്രസ്സ പഠനത്തിന് അംഗീകാരം നല്‍കിയാല്‍ നാളെ വേദ-സണ്‍ഡേ സ്കൂള്‍ പഠനങ്ങള്‍ക്കും സമാനമായ അംഗീകാരം കൊടുക്കേണ്ടി വരും. ഇത് ഇന്ത്യന്‍ ഭരണഘടനയെയും ജനാധിപത്യ സംവിധാനത്തെയും ദുര്‍ബലപ്പെടുത്തും. മതേതരമായ പൊതുവിദ്യാഭ്യാസം അതിന്റെ എല്ലാ അര്‍ത്ഥത്തിലും തകര്‍ക്കപ്പെടും. സ്നേഹത്തിന്റെയും കരുണയുടെയും നാമധാരികള്‍ ബോംബിന്റെയും ആയുധങ്ങളുടെയും ഭാഷയില്‍ സംസാരിക്കുകയും, ആഗോളീകരണ സുവിശ്ശേഷക്കാര്‍ ദരിദ്ര-ദളിത് ജനതയ്ക്കിടയില്‍ മതപരിവര്‍ത്തനത്തിന്റെ രാഷ്ട്രീയവുമായി അരങ്ങുതകര്‍ക്കുകയും, സംഘപരിവാര്‍ കഴുകന്‍മാര്‍ സാംസ്കാരിക പോലീസ് ആകുകയും ചെയ്യുന്ന ആനുകാലിക സാഹചര്യവുമായി കൂട്ടിച്ചേര്‍ത്തു വേണം കേന്ദ്ര-സംസ്ഥാന സര്‍ക്കാരുകളുടെ പുതിയ നീക്കങ്ങള്‍ ചര്‍ച്ച ചെയ്യാന്‍. വിദ്യാര്‍ത്ഥിരാഷ്ട്രീയ മേഖലയില്‍പ്പോലും മതഭീകരത ആധിപത്യം നേടിക്കൊണ്ടിരിക്കുന്നു. മതം അതിന്റെ സകല ഭീകരതയോടും കൂടി ജനാധിപത്യ വ്യവസ്ഥയെ ഹിംസിക്കുമ്പോള്‍ അതിനെതിരെ ബഹുജന പ്രതിരോധം സൃഷ്ടിക്കുകയും, മതനിരപേക്ഷഷതയെ ശക്തിപ്പെടുത്തുകയുമാണ് വേണ്ടത്.

സ്റ്റോക്കുള്ള ബുക്കുകള്‍

2009-01-16T06:41:00.000-08:00

സ്റ്റോക്കുള്ള ബുക്കുകള്‍
1.ദൈവം ഉറക്കത്തിലാണ്(മാത്യു തൂവയില്‍) Rs. 110
2.ഭഗവദ്ഗീതയും മാര്‍ക്സിസവും(പവനന്‍) Rs.45
3.ദൈവം മിഥ്യ (ഇടമറുക്) Rs.40
4.ജ്യോത്സ്യവും ശാസ്ത്രവും (രാജഗോപാല്‍ വാകത്താനം) Rs.40
5.സംവരണത്തിന്റെ രാഷ്ട്രീയം (രാജഗോപാല്‍ വാകത്താനം) Rs.36
6.ന്യൂനപക്ഷാവകാശവും മതനിരപേക്ഷതയും (രാജഗോപാല്‍ വാകത്താനം) Rs.10
7.തിരുസഭകളുടെ തിയോളജി (മാത്യു തൂവയില്‍) Rs.45
8.യഞ്ജസംസ്കാരവും ക്ഷേത്രവിമോചനവും:നവബ്രാഹ്മണിക അധിനിവേശം(രാജഗോപാല്‍ വാകത്താനം)Rs.30
9.ആര്‍ .എസ്.എസ്. ഫാഷിസവും പ്രത്യയശാസ്ത്രവും (ശ്രീ ഗോവിന്ദ് സാഹായി) Rs.30
10.മോട്ടോര്‍ സൈക്കിള്‍ ഡയറി (ചെഗുവേര) Rs.110
11.ഭാഷ എന്ന മാധ്യമം(വി.കെ.നാരായണന്‍) Rs.60
12.ഭാരതീയ ദര്‍ശനത്തിന്റെ അറിയപ്പെടാത്ത മുഖം (എന്‍.വി.പി.ഉണ്ണിത്തിരി) Rs.45
13.വര്‍ഗ്ഗീയ ഫാസിസം പ്രതിരോധത്തിന്റെ നേര്‍വഴികള്‍ (ഡോ.ധര്‍മ്മരാജ് അടാട്ട്) Rs.50
14.ഹബീബിന്റെ ദിനക്കുറിപ്പുകള്‍ (കുരീപ്പുഴ ശ്രീകുമാര്‍) Rs.32
15.അമ്മമലയാളം (കുരീപ്പുഴ ശ്രീകുമാര്‍) Rs.32
16.മെയ്ദിനം ചരിത്രവും രാഷ്ട്രീയവും (എ.സമ്പത്ത്) Rs.75
17.ടൈഗ്രീസിന്റെ രക്തക്കണ്ണീര്‍ (എഡി: ഡീ.ശ്രീധരന്‍ നായര്‍) Rs.45
18.മര്‍ദ്ദിതരുടെ ബോധനശാസ്ത്രം (പൌലോ ഫ്രെയര്‍) Rs.100
19.കോര്‍പ്പറേറ്റ് വിത്തുകള്‍ (എം.പി.ഷീജ) Rs.40
20.ബൊളീവിയന്‍ ഡയറി (ചെഗുവേര) Rs.90
21.കമ്മ്യൂണിസ്റ് ഗവണ്‍മെന്റ് എന്തു ചെയ്തു (സി.ഭാസ്കരന്‍) Rs.30
22.മിത്തും യാഥാർത്ഥ്യവും (ഡി.ഡി.കോസാംബി)Rs.195
23.ഉയരും ഞാന്‍ നാടാകെ (ഏഴാച്ചേരി രാമചന്ദ്രന്‍) Rs.60
24.ഈ.എം.എസ്സിന്റെ ബൌദ്ധികലോകം (സി.ഭാസ്കരന്‍) Rs.35
25.ബി.ടി.രണദിവെ ജീവിതവും പ്രവര്‍ത്തനവും(സി.ഭാസ്കരന്‍) Rs.40
26.അങ്ങനെ അവന്‍ കമ്മ്യൂണിസ്റായി (ഡി.ദയാനന്ദന്‍) Rs.60
27.പിതൃശൂന്യം സഭ്യവും അസഭ്യവും (എം.സ്വരാജ്) Rs.50
28.ബംഗാളില്‍ സംഭവിക്കുന്നത് (എഡി: ജി.വിജയകുമാര്‍) Rs.65
29.മുതലാളിത്തം നരകത്തിലേയ്ക്കുള്ള വഴി (ഹ്യൂഗോ ഷാവേസ്) Rs.60
30.ശ്രീകുമാറിന്റെ ദു:ഖങ്ങള്‍ (കുരീപ്പുഴ ശ്രീകുമാര്‍) Rs.38
31.സാംസ്കാരിക സാമ്രാജ്യത്തവും വര്‍ഗ്ഗീയതയും(ഡോ.കെ.എന്‍.പണിക്കര്‍) Rs.80
32.ഞാന്‍ എന്തുകൊണ്ട് മുസ്ളീം അല്ല (ഇ.എ.ജബ്ബാര്‍) Rs.50
33.ഇത്തിരി സ്നേഹമുണ്ടോ സിറിഞ്ചില്‍ (കുരീപ്പുഴ ശ്രീകുമാര്‍) Rs.70
34.രാഹുലന്‍ ഉറങ്ങുന്നില്ല (കുരീപ്പുഴ ശ്രീകുമാര്‍) Rs.35
35.യുക്തിചിന്തയും വിശ്വാസവും (പ്രൊഫസര്‍ എടി.കോവൂര്‍) Rs.60
36.കയ്യൂര്‍ (ഏഴാച്ചേരി രാമചന്ദ്രന്‍) Rs.45
37.അയ്യങ്കാളി അധ:സ്ഥിതരുടെ പടത്തലവന്‍(ടി.എച്ച്.പി.ചെന്താരശ്ശേരി) Rs.35
38.ഈ.എം.എസ്സ് മാര്‍ക്സിസ്റ് ദര്‍ശനത്തിന്റെ സംക്രമപുരുഷന്‍ (ഡോ.ധര്‍മ്മരാജ് അടാട്ട്) Rs.55
39.പവനസ്മൃതികള്‍ (എഡി:രാജഗോപാല്‍ വാകത്താനം) Rs.50
40.വാസ്തു ഒരു കപടശാസ്ത്രം (വി.കെ.ഗോപാലകൃഷ്ണന്‍) Rs.60
41.പ്രപഞ്ചരഹസ്യങ്ങളുടെ താക്കോല്‍ (ഡോ.മനോജ് കോമത്ത്) Rs.60
42.പെണങ്ങുണ്ണി (കുരീപ്പുഴ ശ്രീകുമാര്‍) Rs.40
43.ഭാരതീയത തനിമയും പൊലിമയും (ഡോ.ധര്‍മ്മരാജ് അടാട്ട്) Rs.95
44.വര്‍ഗ്ഗീയത സത്യവും മിഥ്യയും Rs.30
45.സെൻറ് തോമസ് ഒരു കെട്ടുകഥ (ഇടമറുക്) 200 രൂ.
46.കറുത്ത കുര്‍ബ്ബാന ഞാന്‍ നടന്ന വഴികള്‍ (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.150
47.മരണത്തിലൂടെ ജീവന്‍ (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.45
48.നേര്‍ക്കാഴ്ച്ചകള്‍ (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.45
49.ആത്മീയതയുടെ സൂപ്പര്‍മാര്‍ക്കറ്റ് (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.45
50.വിഭജിക്കപ്പെട്ട സമൂഹം (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.45
51.തിരുമേനിമാര്‍ക്ക് യേശു മാപ്പുതരില്ല (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.45
52.ഒരു ഫെമിനിസ്ടാവുക (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.65
53.പെരുവട്ടന്മാരുടെ സുവിശ്ശേഷം (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.60
54.ഒതപ്പുനല്‍കുന്നവര്‍ (ഫാ.അലോഷ്യസ്.ഡി.ഫെര്‍ണ്ണാണ്ടസ് )Rs.50
55.ഒരു പുരോഹിതന്റെ ഡയറിക്കുറിപ്പുകള്‍ (ഫാ.അലോഷ്യസ്.ഡി) Rs.80
56.ഞങ്ങള്‍ക്ക് ബറാബാസിനെ മതി (ഫാ.അലോഷ്യസ്.ഡി.ഫെര്‍ണ്ണാണ്ടസ്)
57.ബൈബിള്‍ കറുത്ത നീതിയുടെ പാഠപുസ്തകം (ഫാ.അലോഷ്യസ്.ഡി.ഫെര്‍ണ്ണാണ്ടസ്) Rs.50
58.ഇന്ത്യന്‍ ജാതി വ്യവസ്ഥ (ഡോ.ജോണ്‍ വില്‍സണ്‍) Rs.350
59.ചോരപ്പൂക്കള്‍ വിരിയിച്ച കല്ലറ-പാങ്ങോട് (കിളിമാനൂര്‍ ചന്ദ്രന്‍) Rs.65
60.പഞ്ജാമൃതം (വിശ്വന്‍ കൊല്ലങ്കോട്) Rs.30
6 മതഭീകരതയുടെമാരകവഴികൾ (രാജഗോപാല്‍ വാകത്താനം) Rs.30
62.സായിബാബയും അത്ഭുത കഥകളും (എഡി:ഡേല്‍ ബെയര്‍സ്റീന്‍) Rs.70
63.പപ്പുമ്മാന്‍ പറഞ്ഞകഥ ( എം.പി.സദാശിവന്‍) Rs.30
64.ധ്രുവം (എ.എന്‍.സത്യദാസ്) Rs.14
65.ആഗോള ഫാഷിസവും ആര്‍.എസ്.എസും (എ.എന്‍.സത്യദാസ്) Rs.60
66.ഇസ്ലാമും സ്ത്രീകളും(ഡോ.യൂനിസ് ഷേയ്ക്ക്) Rs.15
67.യുക്തിചിന്തയും ജീവിതവും (സി.നാരായണന്‍) Rs.12 രൂ.
68.യുക്തിരശ്മി (ആര്‍. കൃഷ്ണന്‍കുട്ടിനായര്‍) Rs.10 രൂ.
69.എന്താണ് മതം ? (ഇംഗര്‍സോള്‍) Rs.5 രൂ.
70.കേരള നവോത്ഥാനം ഒരു പുനര്‍വായന Rs.5 രൂ.
71.ന്യൂനപക്ഷാവകാശവും വ്യക്തിനിയമവും മുസ്ളീംകള്‍ക്ക് ഹാനികരം(കെ.കെ.അബ്ദുള്‍ അലി മൌലവി) Rs.5
72.ന്യൂനപക്ഷാവകാശവും മതനിരപേക്ഷതയും (രാജഗോപാല്‍ വാകത്താനം) Rs.10 രൂ.
73.ക്രിസ്തുവും കൃഷ്ണനും ജീവിച്ചിരുന്നില്ല (ഇടമറുക്) 190
74.കത്തോലിക്ക സഭയുടെ ചാവുദോഷങ്ങള്‍ (അലോഷ്യസ്.ഡി.ഫെര്‍ന്നാന്റാസ്)
75.നാസ്തികനായ ദൈവം (സി . രവിചന്ദ്രന്‍ ) 225 രൂ.
76.അവിശ്വാസി(അയാൻ ഹിർസി അലി)220 രൂ.
77.ഇവര്‍ മതനിഷേധികള്‍ ( ഇടമറുക്) 50 രൂ.
78.യുക്തിവാദം ചോദ്യങ്ങളും ഉത്തരങ്ങളും ( ഇടമറുക് ) 6 ഭാഗങ്ങള്‍ 240 രൂ.
79.പത്രോസെന്ന പാറയും സ്ത്രീയെന്ന മഞ്ഞുകട്ടയും (മൈക്കിൾ പൂവത്തുങ്കൽ)50 രൂ.
80.അതീന്ദ്രിയപ്രലോഭനം (പോള്‍കുട്സ് ) 90 രൂ.
81.അന്ധവിശ്വാസികളുടെ ലോകം ( പി.സി. കടലുണ്ടി ) 50 രൂ.
82.ശബരിമല ചരിത്രത്തിന്റെയും നേരിന്റേയും ഉരകല്ലിൽ (ഇടമറുക്) 150 രൂ.
83.നോസ്ട്രഡാമസിന്റെ പ്രവചനങ്ങൾ മിഥ്യയും യാഥാർത്ഥ്യവും (ഇടമറുക്) 90 രൂ.
84.മുസ്ലീം പിന്തുടർച്ചാവകാശ നിയമം ഒരു സമഗ്ര പഠനം (കെ.കെ.അബ്ദുൽ അലി മൌലവി) 120 രൂ.
85.എന്താണ് സോഷ്യലിസം (ഡോ.പി.മുരളീധരൻ) 115 രൂ
86.ഭഗവത്ഗീത വിമർശിക്കപ്പെടുന്നു ( ഡോ.കെ.വീരമണി) 125 രൂ.
87.ചരിത്രാന്വേഷകർക്ക് ഒരു കൈപ്പുസ്തകം(പി.സുദർശനൻ) 60 രൂ.
88.ചരിത്ര ഏടുകളിലെ ചിതൽ‌പ്പാടുകൾ(പി.സുദർശനൻ,ഡോ.ശാരികാദേവി) 140 രൂ.
89.കേരളത്തിലെ ഭൂവുടമ ബന്ധങ്ങളും സാമൂഹ്യ പരിവർത്തനങ്ങളും(പ്രൊഫ.വി.കാർത്തികേയൻ നായർ) 50 രൂ.
90.ചത്തുപോയ ഒരു പശുവും ഗോമാതാവും (സനൽ ഇടമറുക്)50 രൂ.
91.കുലം മുടിക്കുന്ന ദൈവങ്ങൾ(മാത്യു തൂവയിൽ) 40 രൂ.
92.കാണാപ്പുറങ്ങൾ( ഇരിങ്ങൽ ക്രിഷ്ണൻ) 40 രൂ.
93.രാഷ്ട്രനിയമത്തിന്റെ ഇരകൾ(തോപ്പിൽ ഷാജഹാൻ) 50 രൂ.
94.ശാസ്ത്രവും സാമൂഹ്യ ധർമ്മവും(ഡി.ഡി.കൊസാംബി) 70 രൂ.
95.അടിമവ്യാപാര നിരോധനം - ചരിത്രവും പ്രധാന്യവും( കെ.ടി.റജികുമാർ) 20 രൂ.
96.പ്രണയപൂർവ്വം വധസ്തംഭത്തിലേക്ക് (സനൽ ഇടമറുക്)50 രൂ.
97.സതി ഒരു സംവാദം (രാജാറാംമോഹൻ റോയ്)75 രൂ.
98.സംഘപരിവാറിന്റെ ഫാസിസം(ഡോ.രാം പുനിയാനി) 75 രൂ.
99.ശിവാജിയുടെ ഹിന്ദു സാമ്രാജ്യം (അണ്ണാദുരൈ) 70 രൂ.
100.ഉപനിഷത്തുകൾ ഒരു വിമർശനപഠനം (ഇടമറുക്) 4 ഭാഗങ്ങൾ 200 രൂ.
101.സന്ദേഹവാദത്തിന്റെ പ്രസക്തി(പോൾ കുർട്സ്) 80 രൂ.
102.മതമൌലികവാദവും ന്യൂനപക്ഷ മർദ്ദനവും (ഡോ.രാം പുനിയാനി) 75 രൂ.
103.വാസ്തു ശാസ്ത്രം - സത്യവും മിഥ്യയും (കെ.അജിത്) 27 രൂ.
104.കമ്യൂണിസ്റ്റുകളുടെ കടമ (പി.ക്രിഷ്ണപിള്ള) 40 രൂ.
105.മനുസ്മ്രിതിയും ബ്രാഹ്മണ മതവും ഒരു വിമർശന പഠനം( എം.റ്റി.ഋഷികുമാർ)75 രൂ.
106.മാ‍യാക്ഷരങ്ങൾ (ചന്ദ്രസേനൻ മിത്രമല) 85 രൂ.
107.ഹിന്ദുയിസത്തിന്റെ കപട വീക്ഷണം ( പെരിയാർ ഇ.വി.രാമസ്വാമി ) 40 രൂ.
108.മഹാഭാരത പഠനങ്ങൾ (ഇരാവതി കാർവെ) 95 രൂ.
109.പുന്നപ്ര വയലാർ സമരം അനുഭവങ്ങളിലൂടെ(ഫാ.അലോഷ്യസ്.ഡി.ഫെര്‍ണ്ണാണ്ടസ്)140 രൂ.
110.എം.എൻ.റോയ് സ്വതന്ത്ര്യാന്വേഷിയായ വിപ്ലവകാരി ( എൻ.ദാമോദരൻ) 195
111.വരികയാണോ ഹിമയുഗം (ഡോ.ഹമീദ് ഖാൻ) 85
112.ജ്യോത്സ്യവും ശാസ്ത്രവും (രാജഗോപാല്‍ വാകത്താനം) 40
113.ജയിൽക്കുറിപ്പുകൾ( അന്റോണിയോ ഗ്രാംഷി) 80
114.മത തീവ്രവാദം വളർന്നതെങ്ങനെ (രാജഗോപാല്‍ വാകത്താനം) 10 രൂ.
115.ശബരിമല അയ്യപ്പനും വാവരും ജീവിച്ചിരുന്നില്ല( എം.റ്റി.റിഷികുമർ) 95 രൂ.
116.പുത്രകാമേഷ്ടി (സനൽ ഇടമറുക്) 50 രൂ.
117.വിദ്യാഭ്യാസത്തിന്റെ രാഷ്ട്രീയം (പൌലൊ ഫ്രെയർ) 120 രൂ.
118.ചെഗുവേര (ലെവ്റെട്സ്കി) 250 രൂ.
119.ധീരരക്തസാക്ഷി ഭഗത് സിംഗ് (കൈനകരി വിക്രമൻ) 20 രൂ.
120.സഹോദരൻ അയ്യപ്പന്റെ മാനവ ഗീതങ്ങൾ ( വി.കെ.പവിത്രൻ) 30 രൂ.
121.മതങ്ങളും മരണാനന്തര ജീവിതവും(ഡി.ദയാനന്ദൻ) 45 രൂ.
122.ദിവ്യന്മാർക്കെതിരെ വെല്ലുവിളി ( എ.ടി.കോവൂർ) 60 രൂ.
123.ഇന്ത്യാചരിത്രപഠനത്തിനൊരു മുഖവുര( ഡി.ഡി.കൊസാംബി) 350 രൂ.
124.പുരോഗമനവാദവും ശാസ്ത്രബോധവും(കെ.അജിത്) 10 രൂ.
125.സഹോദരൻ അയ്യപ്പൻ ജീവിതവും കൃതികളും(എം.പി.ഷീജ) 390 രൂ.
126.സംവരണവും സംവരണം നേരിടുന്ന വെല്ലുവിളികളും ( ജയരാജ് കോട്ടയം) 60രൂ.
127.താലിബാൻ മുദ്രകൾ വിചാരണ ചെയ്യ്പ്പെടുന്നു (എഡി: ഷിജുഖാൻ) 65രൂ.
128.കത്തോലിക്കാസഭ മുഖമ്മൂടിക്കുപിന്നിൽ (ജോസെഫ് മക്കാബെ) 75രൂ.
129.മാർക്സ് & എംഗത്സ് ജീവചരിത്രക്കുറിപ്പ് (ചെ ഗുവേര) 40രൂ.
130.ഡോ.അംബേദ്കറുടെ രാഷ്ട്ര സങ്കൽ‌പ്പവും രാഷ്ടീയ സങ്കൽ‌പ്പവും( കുമ്പഴ ദാമോദരൻ) 5രൂ.
131.ഭാരതത്തിൽ എന്തുകൊണ്ട് സോഷ്യലിസം സ്ഥാപിതമാകുന്നില്ല( പി.എസ്.ഹരിഹരക്കുറുപ്പ്) 80രൂ.
132.ഭാരതത്തിൽ എങ്ങനെയാണ് സോഷ്യലിസം സ്ഥാപിക്കുക( പി.എസ്.ഹരിഹരക്കുറുപ്പ്) 50രൂ.
133.കോവൂരിന്റെ സമ്പൂർണ്ണകൃതികൾ 595രൂ.
134.യുക്തിവാദം ചോദ്യോത്തരങൾ (യു.കലാനാഥൻ) 60 രൂ.
135.സുധാമണിയിൽ നിന്ന് അമൃതാനന്ദമയിയിലേക്ക് (എഡിറർ-സനൽ ഇടമറുക)50 രൂ.
136.മലയാളത്തിലെ മതേതര കവിതകൾ 30 രൂ.
137.നാരായണഗുരു എന്തുകൊണ്ട് മുഖ്യമന്ത്രി ആയില്ല?(ഇടമറുക്) Rs.15.
138.ഞാൻ എന്തുകൊണ്ട് നിരീശ്വരവാദിയായി? (ഭഗത് സിങ്) Rs.15
139.നാസ്തിക്യത്തിന്റെ ആവശ്യകത (ഷെല്ലി) Rs.15
140.വൈക്കം സത്യാഗ്രഹം ഒരു ചതിയുടെ ചരിത്രം (രാജഗോപാല്‍ വാകത്താനം) 10 രൂ.
141.മുഹമ്മദും മറ്റുചില പ്രവാചകരും (പോള്‍കുട്സ്)90 രൂ.
142.പരിഛേദനം മനുഷ്യത്വരഹിതം (ജോസഫ് ലെവിസ്) 50 രൂ.
143.നാസ്തികാചാര്യന്മാർ മരണത്തെ നേരിട്ടതെങ്ങനെ (ഇംഗർസോൾ)50 രൂ.
144.വാല്മീകി ഒരു ബൗദ്ധനോ? (ദലിത് ബന്ധു) Rs.45
145.ജീവിവർഗ്ഗങ്ങളുടെ ഉത്ഭവം (ഡാർവിൻ) Rs.300
146.ഗാന്ധിയും ഗോഡ്സെയും ചില അപ്രിയ സത്യങ്ങളും (സനൽ ഇടമറുക്) 50 രൂ.
146.യേശുകൃസ്തുവും കുട്ടിച്ചാത്തനും (സനൽ ഇടമറുക്)50 രൂ.
147.ജയിൽക്കുറിപ്പുകൾ (അന്റോണിയോ ഗ്രാംഷി)Rs.80
148.വേദങ്ങൾ ഒരു വിമർശനപഠനം(സനൽ ഇടമറുക്)50 രൂ.
149.മതങ്ങളും മരണാനന്തര ജീവിതവും (ഡി.ദയാനന്ദൻ)45 രൂ.
150.ശബരിമലഅയ്യപ്പനും വാവരും ജീവിച്ചിരുന്നില്ല(എം.റ്റി.ഋഷികുമാർ)95 രൂ.
151.ഞാൻ എന്തുകൊണ്ട് ഹിന്ദുവല്ല( പെരിയാർ ഇ.വി.രാമസ്വാമിനായ്ക്കർ 60 രൂ.

മകരജ്യോതിസ്‌ തട്ടിപ്പ്‌ അവസാനിപ്പിക്കൂക. കേരള യുക്തിവാദി സംഘം .

2009-01-11T06:17:00.000-08:00

മകരജ്യോതിസ്‌ തട്ടിപ്പ്‌ അവസാനിപ്പിക്കൂക. കേരള യുക്തിവാദി സംഘമ്. ശബരിമല ക്ഷേത്രത്തിലെ മകരവിളക്ക്‌ ഉത്സവത്തിന്റെ മുഖ്യ ഇനമാണൂ പൊന്നമ്പലമേട്ടില്‍ ജനൂവരി 14 നൂ വൈകൂന്നേരം 6.20 നൂം 6.40 നൂം മധ്യേ പ്രത്യക്ഷപ്പെടുന്ന മകരജ്യോതി. ശബരിമല ക്ഷേത്രത്തിലെ സാമ്പത്തിക വരൂമാനം കൂട്ടാനായി ഭക്ത ജനങ്ങളെ വഞ്ചിക്കൂന്ന ദേവസ്വം ബോര്ഡ്‌ നടത്തുന്ന ഒരൂ തട്ടിപ്പാണൂ മകരജ്യൊതി എന്ന്‌ കേരള യുക്തി വാദി സംഘം അന്വേഷണം നടത്തി 1980 മുതല്‍ തന്നെ സത്യം വെളുപ്പെടുത്തിയിരൂന്നൂ.ജനങ്ങളില്‍ ശാസ്ത്രബോധവും അന്വേഷണത്തിനൂം പരിഷ്കരണത്തിനൂമുള്ള മനോഭാവവും വളര്‍ത്താന്‍ (ഭരണഘടനയൂടെ 51 എ.എച്ച്‌. , പൌരന്റെ മൌലികകര്‍ത്തവ്യങ്ങള്)പ്രതിഞ്ജാബദ്ധമായ ഒരൂ സര്‍ക്കാര്‍ അവന്റെ പോക്കറ്റിലെ പണം തട്ടി എടുക്കാനായി സര്‍ക്കാരിന്റെ ഔദ്യോകിക വാര്‍ത്താ മാധ്യമങ്ങളായ ദൂരദര്‍ശന്‍ , ആകാശവാണി എന്നിവയിലൂടെ കള്ളപ്രചരണം നടത്തിയാണൂ ഈ തട്ടിപ്പ്‌ നടപ്പാക്കിക്കൊണ്ടിരിക്കൂന്നത്‌ . മകരജ്യോതി കാണൂന്നത്‌ ജീവിതത്തിലെ ഒരൂ അത്ഭുതകരമായ അനൂഭൂതിയയാണൂ ആകശവാണിയും ദൂരദര്‍ശനൂം ജനങ്ങളെ ബോധ്യപ്പെടുത്തി ശബരിമലയിലേക്ക്‌ ആകര്‍ഷിക്കൂന്നത്‌. ഈ കള്ളപ്രചരണം അവസാനിപ്പിക്കണമെന്ന്‌ ആവശ്യപ്പെട്ട്‌ ആകാശവാണി, ദൂരദര്‍ശന്‍ കേന്ദ്രങ്ങള്ക്ക്‌ മുമ്പില്‍ കേരള യുക്തിവാദി സംഘം പലതവണ ധര്‍ണ നടത്തിയിട്ടുണ്ട്‌. സത്യാന്വേഷണത്തിനയി പൊന്നമ്പലമേട്ടില്‍ എത്തിയ യുക്തിവാദി സംഘം പ്രവര്‍ത്തകരെ ശത്രു സൈന്ന്യത്തെ എന്ന പോലെ ക്രൂരമായി മര്‍ദ്ദിച്ചൊതുക്കി. പോലീസ്‌ മര്‍ദ്ദനത്തില്നിരവധി പേര്‍ രോഗികളാവുകയും ഏഎതാനൂം പേര്‍ രോഗം വന്ന് മരിക്കൂകയും ചെയ്തു.മുന്‍ ദേവസ്വം പ്രസിഡണ്ട്‌ രാമന്‍ നായര്‍ മകരജ്യോതിസ്‌ തട്ടിപ്പാണെന്ന്‌ ഇന്ത്യാവിഷനോട്‌ തുറന്ന്‌ പറഞ്ഞിരിക്കൂന്നൂ. അതുപോലെ ശബരിമല സ്പെഷ്യല്‍ ഓഫീസറായിരൂന്ന മുന്‍ ഡിജിപി എന്‍ ക്ര്^ഷ്ണന്‍ നായര്, വി.കെ.തമ്പി, കവയത്രി സുഗതകൂമാരി തുടങ്ങിയവര്‍ ഈ തട്ടിപ്പിനെതിരെ പ്രതികരിച്ചിരിന്നൂ.ഈ സാഹചര്യത്തില്‍ ദേവസ്വം ബോര്ഡ്‌ പ്രസിഡണ്ടും ദേവസ്വം മന്ത്രിയും സത്യപ്രസ്താവന നടത്തുകയും ജനങ്ങളോട്‌ മാപ്പുപറയുകയും ചെയ്യേണ്ടതാണൂ. 1999 ല്‍ മകരജ്യോതിസ്‌ കാണാനൂള്ള തിക്കിലും തിരക്കിലും പെട്ട്‌ 53 പേര്‍ മരണപ്പെട്ടു. അവരൂടെ കൂടുംബങ്ങള്ക്ക്‌ നഷ്ടപരിഹാരം കൊടുക്കാന്‍ ദേവസ്വം ബോര്ഡ്‌ തയ്യാറാകണമ്.ഭരണഘടനാപരമായ കര്‍ത്തവ്യം നിറവേറ്റാനായി പൊന്നമ്പലമേട്ടിലെത്തിയ യുക്തിവാദികളെ മര്‍ദ്ദിച്ചൊതുക്കൂകയൂം മകരജ്യോതിസ്‌ തട്ടിപ്പിനൂ സംരക്ഷണം നല്‍കൂകയും ചെയ്ത പോലീസ്‌ അധികാരികള്‍ക്കെതിരെ നിയമനടപടി സ്വീകരിക്കണമ്. മര്‍ദ്ദനത്തില്‍ ജീവച്ഛവമായ സത്യാന്വേഷകര്ക്ക് നഷ്ടപരിഹാരം നല്കണമ്. മകരജ്യോതിസ് പുനരന്വേഷണവുമായി ഹൈക്കോടതിയില്‍ നിലനില്ക്കൂന്ന കേസ് അടിയന്തിരമായി തീര്പ്പ് കല്പ്പിക്കണമ്.ഇന്ത്യയിലും വിദേശത്തുമുള്ള ജനങളെ തെറ്റിദ്ധരിപ്പിച്ച് കപട വാര്ത്തകള്‍ നല്കിയ ആകശവാണി ദൂരദര്ശന്‍ അധികാരികള്ക്ക് എതിരെഭരണഘടനാ വിരൂദ്ധ പ്രവര്ത്തനത്തിനൂ നടപടി സ്വീകരിക്കണമ്.

മതതീവ്രവാദവും മാനവരാശിയുടെ നിലനില്‍പ്പും

2009-01-09T07:13:00.000-08:00

മതതീവ്രവാദവും മാനവരാശിയുടെ നിലനില്‍പ്പും

മതതീവ്രവാദം മാനവരാശിയുടെ നിലനില്പ്പിനെത്തന്നെ ബാധിക്കുന്നതരത്തില്‍ ബീഭത്സരൂപം പ്രാപിച്ചു കഴിഞ്ഞിരിക്കുന്നു. ഈ അവസരത്തില്‍ മതങ്ങളുടെ പ്രസക്തിയെക്കുറിച്ച് അല്പമൊന്ന്‌ ചിന്തിക്കുന്നത്‌ നന്നായിരിക്കുമെന്ന്‌ കരുതുന്നു. ശാശ്വതവും സമാധാനപരവുമായ സാമൂഹ്യ വ്യവസ്ഥ നിലനില്ക്കണമെങ്കില്‍ മതങള്‍ അനിവാര്യമാണെന്നും സാമൂഹ്യവിരുദ്ധപ്രവര്ത്തനങ്ങളില്‍ നിന്ന്‌ മനുഷ്യനെ മോചിപ്പിക്കുന്ന കാര്യത്തില്‍ മതങ്ങളുടെ പങ്ക്‌ വലുതാണെന്നുമുള്ള വാദം എത്രമാത്രം സത്യത്തിന്‌ നിരക്കുന്നതാണ്‌ ? ലോകമാസകലമുള്ള ജയിലുകളില്‍ പാര്‍പ്പിച്ചിരിക്കുന്ന കുറ്റവാളികള്‍ നിരീശ്വരവാദികളും മതനിഷേധികളുമാണെന്ന്‌ പറയാന്‍ കഴിയുമോ? കഴിയില്ല എന്നു മാത്രമല്ല മതവിശ്വാസങ്ങളും ഈശ്വരവിശ്വാസവും കുറ്റവാളികള്‍ രൂപം കൊള്ളുന്നതില്‍ വലിയ പങ്ക്‌ നിര്‍വ്വഹിച്ചിട്ടുള്ളതായി ചൂണ്ടിക്കാണിക്കുവാന്‍ കഴിയുമ്. പ്രാര്‍ത്ഥനയിലൂടെയും മറ്റ്‌ പാപ പരിഹാര കര്‍മ്മങ്ങളിലൂടെയും കുറ്റ വിമുക്തനും പാപവിമുക്തനും ആയിത്തീരുമെന്ന്‌ പ്രചരിപ്പിക്കുന്ന മതങ്ങള്‍ മനുഷ്യനെ തെറ്റുകള്‍ ആവര്‍ത്തിക്കുവാന്‍ പ്രേരിപ്പിക്കുകയല്ലേ ചെയ്യുന്നത്‌? അതുപോലെ നാളിതുവരെയായി തികച്ചും സാമൂഹ്യവിരുദ്ധനായ ഒരാളെയെങ്കിലും തങ്ങളുടെ കൂട്ടത്തില്‍ നിന്ന്‌ ഒഴിവാക്കിയ കഥ ഏതെങ്കിലും മതത്തിനോ സഭകള്‍ക്കോ അവകാശപ്പെടാന്‍ കഴിയുമോ? കഴിയില്ല കാരണം ഇത്തരക്കാരില്‍ നിന്നാണ്‌ കൂടുതല്‍ വരുമാനം ലഭിക്കുന്നത്‌. മതങ്ങളുടെയെല്ലാം അടിസ്ഥാനം മതഗ്രന്ത്ഹങ്ങളാണെന്നിരിക്കെ പരസ്പരം കലഹിക്കാനും കൊലനടത്താനും പ്രേരിപ്പിക്കാത്ത, സ്വന്തം മതത്തിനും ദൈവത്തിനും വേണ്ടി ജീവത്യാഗം അനുഷ്ടിക്കുന്നവര്ക്ക്‌ സ്വര്‍ഗ്ഗരാജ്യം വാഗ്ദാനം ചെയ്യാത്തതുമായ ഏതു മത ഗ്രന്ത്ഹമാണിവിടെ ഉള്ളത്‌. ലോകത്താകമാനം നാളിതുവരെ നടന്നിട്ടുള്ള കൊലപാതകങ്ങളില്‍ ഭൂരിഭാഗവും മതത്തിന്റെയും ദൈവവിശ്വാസത്തിന്റെയും പേരിലായിരുന്നു. കുരിശുയുദ്ധമെന്ന പേരില്‍ ക്രിസ്ത്യാനികളും ജിഹാദ്‌ എന്ന പേരില്‍ മുസ്ളീങ്ങളും നടത്തിക്കൊണ്ടിരിക്കുന്ന കൊലപാതകങ്ങള്ക്ക്‌ കണക്കുണ്ടോ?
മതങ്ങളുടെ അവിഹിതമായ ഇടപെടലുകള്‍ ഉണ്ടായിരുന്നില്ലെങ്കില്‍ ഒരായിരം കൊല്ലത്തെ ശാസ്ത്ര സാങ്കേതിക നേട്ടങ്ങള്‍ കൂടി മാനവരാശിക്ക്‌ കൈവരിക്കാനാകുമായിരുന്നു എന്നു പറഞ്ഞാല്‍ നിഷേധിക്കാനാകുമോ? ക്രിസ്തുമതം ശാസ്ത്ര ലോകത്തോടു ക്ഷമായാചനം നടത്തിയത്‌ മറക്കാറായിട്ടില്ല. യഥാര്‍ത്ഥത്തില്‍ മതം മനുഷ്യന്‌ ചെയ്യുന്ന സേവനം എന്താണ്‌? മനുഷ്യന്റെ പ്രതികരണ ശേഷി നശിപ്പിച്ച്‌ അവനെ ഒരു വിശ്വാസി ആക്കി മാറ്റുന്നു എന്നല്ലാതെ? സ്ത്രീ ജനങ്ങളോട്‌ മതങ്ങളുടെ സമീപനം ഇന്നും വളരെ മ്ര്^ഗീയമാണ്‌. സ്ത്രീകളെ പുരുഷന്റെ വെറും കളിപ്പാട്ടമെന്ന നിലയില്‍ നിലനിര്‍ത്താനും രണ്ടാംതരം പൌരന്മാരായി പരിഗണിക്കാനുമാണ്‌ എല്ലാ മത ഗ്രന്ത്ഹങ്ങളും ഉപദേശിക്കുന്നത്‌. ഇസ്ളാം മതം പോലുള്ളവയില്‍ ഇന്നും സ്ത്രീകള്ക്ക്‌ ആരാധനാ സ്വാതന്ത്യ്രം അനുവദിച്ചിട്ടില്ല. സ്ത്രീജനങ്ങളെ നേരിട്ട് കണ്ടാല്‍ ചാരിത്രം നഷ്ടപ്പെടുമെന്ന്‌ ഭയപ്പെടുന്ന ദൈവങ്ങളും സുലഭം. സ്ത്രീദൈവങ്ങളോട്‌ പ്രാര്‍ത്ഥിക്കാനും അരാധനനടത്താനും സ്ത്രീകള്‍ക്കും പ്രായപൂര്‍ത്തിയായ പെണ്‍കുട്ടികള്‍ക്കുമ്, പുരുഷനും ചെറുപ്പക്കാരനുമായ പൂജാരിയെ ആശ്രയിക്കേണ്ട ഗതികേട്‌ എന്നാണ്‌ മാറുക. സ്ത്രീക്കും പുരുഷനും തുല്യ പരിഗണന നല്‍കുന്ന ഭരണഘടനയുള്ള ഒരു രാജ്യത്തിന്റെ അവസ്ഥയാണെന്ന്‌ ഓര്‍ക്കണമ്. ഇത്തരം മത തീവ്രവാദങ്ങളെ അമര്‍ച്ചചെയ്ത്‌ ജനങ്ങള്ക്ക്‌ സുരക്ഷയും സമാധാനവും ഉറപ്പുവരുത്തേണ്ട ഭരണാധികാരി വര്‍ഗ്ഗം വോട്ട്‌ ബാങ്ക്‌ ലാക്കാക്കി മതപ്രീണനനയം സ്വീകരിക്കുന്ന അവസ്ഥ നല്ലൊരു നാളയിലേയ്ക്കല്ല വിരല്‍ ചൂണ്ടുന്നത്‌. സ്വാതന്ത്ര്യം കിട്ടി നാളിതുവരെയായിട്ടും ഒരു ഏകീക്രിത സിവില്‍കോഡ്‌ നടപ്പാക്കാത്തതിന്റ്റെ പരിണിതഫലമല്ലെ ഇസ്ളാം മതം പോലുള്ളവ ഇന്നും ബഹുഭാര്യത്വം പോലുള്ള കാടന്‍ സംസ്കാരം നടപ്പാക്കിക്കൊണ്ടിരിക്കുന്നത്‌. ഇതുപോലെ വനിതാസംവരണ ബില്ല്‌ പാസ്സാക്കാത്തതിന്റെ ഉത്തരവാദി ആരാണ്‌?
ഇഹലോകജീവിതം ശാശ്വതമല്ല എന്നാണ്‌ എല്ലാ മതങ്ങളുടെയും പ്രചരണം എന്നിട്ടും മതങ്ങള്‍ ഇത്രയധികം ഭൌതികസമ്പത്ത്‌ സ്വരുക്കൂട്ടി വച്ചിരിക്കുന്നതിന്റെ പൊരുളെന്താണ്‌? ലോകത്തിലെ ഏറ്റവും വലിയ സംസ്കാരം സമ്പന്നമായ മതമാണ്‌ തങ്ങളുടേതെന്ന്‌ വീമ്പിളക്കുന്ന കത്തോലിക്കാ സഭയല്ലെ പുരോഹിതന്മാരുടെ അസന്മാര്‍ഗ്ഗിക പ്രവര്‍ത്തനങ്ങള്ക്ക്‌ ഏറ്റവും കൂടുതല്‍ തുക കോടതിച്ചെലവിനും നഷ്ടപരിഹാരത്തിനുമായി നല്‍കിക്കൊണ്ടിരിക്കുന്നത്‌. തീവ്രവാദ പ്രവര്‍ത്തനങ്ങള്ക്ക്‌ മതവുമായി യാതൊരു ബന്ധവുമില്ലെന്നാണ്‌ ചിലരുടെ കണ്ടെത്തല്. ബാബറിമസ്ജിത്‌ തകര്‍ത്തതില്‍ മതത്തിന്‌ പങ്കില്ലേ? ഗുജറാത്ത്‌ കലാപം, മാലേഗാവ്‌ സ്ഫോടന പരമ്പര, ഒറീസ, കര്‍ണ്ണാടക, മുംബെ തുടങ്ങിയ കലാപങ്ങളുമായി മതങ്ങള്ക്ക്‌ പങ്കില്ലെന്ന്‌ പറയാമോ? മതങ്ങള്‍ നിലനില്‍ക്കുന്നിടത്തോളം കാലം മതവൈര്യവും നിലനില്ക്കും. മത ഗ്രെന്ത്ങ്ങളാകട്ടെ അശാസ്ത്രീയവും അനാചാരങ്ങള്‍ നിറഞ്ഞതും സംസ്കാരംത്തിന്‌ നിരക്കാത്തതുമായ കാഴ്ചപ്പാടുകളാല്‍ സമ്ര്ദ്ധവുമാണ്‌. മനുഷ്യന്റെ പ്രതികരണ ശേഷിയെ അപ്പാടും നശിപ്പിച്ച്‌ മറ്റ്‌ മനുഷ്യരോടും മതങ്ങളോടും ശത്രുതാപരമായി നേരിടാന്‍ പ്രേരിപ്പിക്കുകയും ചെയ്യുന്ന ഇത്തരം മതങ്ങളും മതഗ്രന്ത്ഹങ്ങളും ഇനിയും നിലിനില്‍ക്കേണ്ടതുണ്ടോ?

ഭീകരതയ്ക്ക് മതമുണ്ടോ ?

2008-12-27T07:13:00.000-08:00

"ഭീകരതയ്ക്ക് മതമില്ല മതത്തിന് ഭീകരതയും "ചിലരുടെ വാദഗതികള്‍ ഇങ്ങനെ .....
ഏന്നാല്‍ ഒന്നു ചിന്തിച്ചു നോക്കു ........
മതം , മൌലിക വാദത്തിലെക്കും മതമൌലികവാദം മതഭീകരവാദത്തിലെക്കും വംശവിശ്ചേദന വാദത്തിലെക്കും നയിക്കുന്നു.

പ്രൈവറ്റ് പോസ്റ്റ് മോര്‍ട്ടം നിര്‍ത്തുക

2008-12-27T06:45:00.001-08:00

സി . ആര്‍. വി . സി . നിയമത്തിനു വിരുദ്ധമായി മരണപ്പെടുന്നവരുടെ ശരീരം പോസ്റ്റ് മോര്‍ട്ടം പരിശോധന നടത്തുന്നതിനു പ്രൈവറ്റ് ആശുപത്രികള്‍ക്ക് അംഗീകാരം നല്‍കാനുള്ള സര്‍ക്കാര്‍ തീരുമാനം പുനപ്പരിശോധിക്കെണ്ടതാണ്.

2008-09-14T08:46:00.000-07:00

Rational Books

എല്ലാ പ്രസാധകരുടെയും യുക്തിവാദ,ചരിത്ര, ശാസ്ത്ര, തത്വശാസ്ത്ര ബുക്കുകള്‍ വിതരണം ചെയ്യുന്നതിനായ്‌ കേരള യുക്തിവാദി സംഘം ആലപ്പുഴ RationaBooks പേരില്‍ ഒരു ബുക്ക് പ്രസിദ്ധീകരണ വിതരണ കേന്ദ്രം ആരംഭിച്ചു.